المشاركة الأصلية كتبت بواسطة احمد مناحي الشمري
راكان السبيعي
هلا بك وغلا
ولي الشرف ان اكون اول من يعانق هذه الشامخه
ماهي بويتات هذه يابو محمد هذه معلقه ....
يالحاظر الغايب وصالك علّي دين
لو أن قلبي هجر الأحباب ضامه
غذّيت سمعي صوتك الدافي سنين
حتى لسانك مل سمعي كلامه
وجوّعتني شوفك ولقياك بالعين
وقلبي على وصلك مواصل صيامه
(اضمى وصل) و (اروى هجر) وأنت يازين :
فالحالتين الوضع عندك سلامه
أن كان هذا سلمكم يالمحبين
قلبي يبلّغ للمحبه سلامه
ياليت ربي حط فالجوف قلبين
واسلم من ظروف الزمن وانهزامه
قلبٍ بحطّه للرجال المسمّين
ماهوب ينبض دم ينبض قرامه
يروى على قول : ارحبوا ياميامين
ويضمى على شوفة رجال الشهامه
وقلبٍ يصارع لوعة الشوق والبين
يعني على حبك ببرمج نظامه
وأنت وظميرك لو يذوق الأمرّين
حاول معه حتى توفّي مرامه
أما سلَمت وعشت عيشة هنيّين
وألا عشيقٍ مات سبّة غرامه
والله بغيت اختار منها بيت ولابيتن اقتبسها لقيتها كلها تستاهل الاقتباس كيف لا وهي باسم
راكان السبيعي اسم اراهن على جزاله مايكتب قبل ان اطلع عليه ....
بيض الله وجهك
وصح الله لسانك وطال عمرك
تقبل مروري وسجل اعجابي
