حال الأمة

[align=center]

رابط القصيدة على موقع الـ يوتيوب :

http://www.youtube.com/watch?v=VVYzJo8K3Pc


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ماعاد باقي للقصيده غير نظرات الوداع=يافكر سقها والزمن بين الرجال يسوقها

والله لجنّبها عن الزلات ودروب الضياع=وأني لحفظ حقوقها مادمت اعْرف حقوقها

وأن كان ماتروي ضمى عطشا ولاتشبع جياع=ماني وأنا راكان عاشقها ولا معشوقها

سمْت سمْت لين اجزمت بأن البسيطه دون قاع=وراحت سواة الغيمه اللي تستلج ابروقها

لها من العين ومن الإذْن النظر والإستماع=ومن العقول أهل الفكر وأهل المروّه ذوقها

والها علي اروي عطشها فكر .. قدر المستطاع=عهدٍ على نفسي وأنا عيب العهود أبوقها

وأن كان ماتحمل هموم أمّه ولاحل النزاع=لاهيب من طرقي ولاني بادعٍ طاروقها

سلام منّي ياأمّة الإسلام في شتى البقاع=يا أمةٍ تِقهر وتَضحك للعداه اشدوقها

تشبّعت بالذل لين أحساسها بالنصر ماع=ولا صمد فيها لو أنّه عرقٍ امن اعروقها

وتغلغلت فيها ثقافة " عش ترى الدنيا متاع "=حتى تلاشى فعلها بعد اتساع حلوقها

أليا متى ووجيهنا تدمن على لبس القناع=ورغم المذلّه ألسنتنا تفخر بمنطوقها

وأليا متى وجروح الأمّه كل يومٍ باتساع=وحنّا نعْرف أن كل يدٍ يد ربي فوقها

وأليا متى وأفضل وسيله للهجوم أنك دفاع=وأليا متى طعم الخساره كل يوم انذوقها

احقوق الأعداء تنتزعها أعدائنا غصب انتزاع=وحنّا أمّةٍ عجزت تجيب احقوقها من عوقها

ياليتها تاخذ من الماضي وقود الإندفاع=يوم الفعل يحما مواردها ويحما نوقها

ويوم الخطر لامن تقدّم شبر تمشي له ذراع=وأرواحها لادندن الحرّاب يرخص سوقها

هناك .. ماسادت سياسات القهر والإنصياع=وهناك .. كان النصر للأمّه هو أعظم شوقها

مايبعث أمجاد الشعوب الها سوى القلب الشجاع=وأصعب من إفلاتت مكانات الأمم لحوقها

والدين طرس .. وكل مجدٍ ينثني دونه يراع=والعين مايصفا نظرها .. لين يصفا نوقها

والمجد قلعه .. ساسها يُبنى بطوب الإجتماع=وثوابت الأمه درر .. واسلامها صندوقها

وكلّش يهون .. ألا الكرامه لاتداس ولاتباع=أمّه بلياها عباةٍ ماتخاط افتوقها

وأكبر دليل أن التخلي عن مبادينا ضياع=وأن الزمن كفيل يظهر للرجال افروقها :

صرنا بعد كانت أوامرنا ليا قلنا تطاع=جنايزٍ رز الزمن نصايبه من فوقها[/poem][/align]

*****

مميزه وشاعرها في غنى عن الاشاده


لي عوده تليق يابومحمد


والله يبيض وجهك يالامير


الناايف

صح لسانك

شاعر ومميز


الله يعطيك العافيه


تقبل مروري

راكان

صح لسانك ملايين على هالرائعه

اجدت الوصف وحالنا الله يعدل ميله بس مانقول غيرها

يعطيك العافيه وتقبل مروري

,

,
,
الشاعر العذب راكان بن محمد:

مايبعث أمجاد الشعوب الها سوى القلب الشجاع
وأصعب من إفلاتت مكانـات الأمـم لحوقهـا

والدين طرس .. وكل مجدٍ ينثني دونه يـراع
والعين مايصفا نظرها .. لين يصفـا نوقهـا

والمجد قلعه .. ساسها يُبنى بطوب الإجتمـاع
وثوابت الأمه درر .. واسلامهـا صندوقهـا

وكلّش يهون .. ألا الكرامه لاتـداس ولاتبـاع
أمّـه بلياهـا عـبـاةٍ ماتـخـاط افتوقـهـا
.
.

قصيدة غاية في الجمال والعذوبة
ومعاني سامية للغاية
صوّرت الحال كأننا ننظر إليه
لله درّك من شاعر
وصح قلبك وكلك...

صح لسانك يا أبو محمد

قصيدة جزلة .. لأنك خلفها

حضورك الزاهي في البرنامج .. أضاف له الشئ الكثير

وهذه " الدرّة " .. لا شك أنها تستحق الحفظ

لله درّك

نبض فاخر

وزاخر بكل ماهو مدهش



صح كلك .

آخوي راكان

انت غني التعريف وشهادتي فيك مجروحه مبدع يا راكان حتى وانت في البر وعلى طعس وشاب ضوك بعد مبدع ويا لبى قلبك

العشا القابله يا ؟؟؟؟؟؟؟ مشعان ومطيع والستراحه الحوطه

.


راكان بن بدن

جزل .. متمكن .. متميز .. وافي .. ابيض وجه

ماقصرت طال عمرك والله لا يهينك



صح لسانك مليوووووووووون


دمت بخير


محمد بن نايف

استمتعنا بها هنا وفي البرنامج


لله درك يا ابومحمد

قصيدة تكتب بماء الذهب


صح قلبك وكلك


وسلمت اناملك



تحيتي لك

مايبعث أمجاد الشعوب الها سوى القلب الشجاع
وأصعب من إفلاتت مكانـات الأمـم لحوقهـا

والدين طرس .. وكل مجدٍ ينثني دونه يـراع
والعين مايصفا نظرها .. لين يصفـا نوقهـا

والمجد قلعه .. ساسها يُبنى بطوب الإجتمـاع
وثوابت الأمه درر .. واسلامهـا صندوقهـا




جزل جزل


جزل ياراكان


عسى الله يعز امة الاسلام ويوفقنا وياك لما فيه الخير



والف صح لسانك ولاهنت

[align=center]
راكان السبيعي
ـــــــــــــــــــــــــ ــــــ
صح لســانك ملااااايين

وتسلم يمينك يا أبو محمد

والله إن قصيدتك تبيض الوجه

لاهنت يا أبو محمد
ـــــــــــــــــــــــــ ــــــ
أخوكـ/خالد
[/align]

سمعتها منك في البرنامج

وشاهدت تفاعلك معها وتفاعلنا خلف الشاشات

وقرأتها هنا

وفي كل مرة استمتع اكثر

صح لسانك ملايين

هكذا الشعر

رسالة سامية

صح لسانك وبيض الله وجهك على هالقصيده الرائعه


أبدعت يالجزل

والله لجنّبها عـن الـزلات ودروب الضيـاع
وأني لحفظ حقوقها مادمـت اعْـرف حقوقهـا
،،،
،،
،
كفو ياراكان
صح لساااانك مدد بلا عدد
إحترامي لك