بالك من اللي لأنتها الوقت خلوك ...
السلام عليكم ورحمة الله وبركاته
(أقـــــــــــــول)
عليك ياوقت(ن)غدا الحـر مملـوك
في كف مطفوق(ن)جديـد الصقـاره
أبلشت نفسك يسود الريش غـروك
بفخاخ مصنوعـه بخبـث وشطـاره
ياوجد حالي وجـد لا قيـل باعـوك
بأرخص ثمن بالكون بيعـت حقـاره
ياطيـر يامملـوك بالسبـق أبلـوك
وهاجت عليك أهموم طبـع الحـراره
أسمع أصياحك من ورا البيت وأبكوك
أصياح فرخ(ن)داخل الجـوف نـاره
بالك من الي لأنتها الوقـت خلـوك
بأسبوع من شهرك عليـك المـراره
عليـك يالـي تكفـخ اليـوم ذلـوك
في قـل صنعـه يجبرونـك أجبـاره
وكانه يقول أنك على الريش مشكوك
ناقل هروج الريش بالسـان جـاره
قله علـى ماقيـل بالهـرج قثـوك
وأنته عريب الجـد ؟ سنجـار داره
وقبل الختام أن كانهم حيـل الهـوك
معذور ياطير الوحـش فـي وكـاره
(وســلامـــتـــكـــم)
م-ن
رد: بالك من اللي لأنتها الوقت خلوك ...
وكانه يقول أنك على الريش مشكوك
ناقل هروج الريش بالسـان جـاره
قله علـى ماقيـل بالهـرج قثـوك
وأنته عريب الجـد ؟ سنجـار داره
صح لسانتس
رد: بالك من اللي لأنتها الوقت خلوك ...
كل الشكر عزيزتي على هذاالنقل الرائع...
وكل عام وأنت بخير .
