ياسعووووووووود,,,

بسم الله الرحمن الرحيم
اسف على طول الغياب لكن حبيت اصافحكم بقصيده ثانيه ان شاءالله ترتقي لذائقتكم
,,,,,,,,,

ياسعود راح العام واقفاه عامين
وانا اخنق العبره قهر واختنقها

الله يرحم حالتي والله يعين
قلبن غدا من ساعته من عشقها

جتني مثل ورده نمت فالبساتين
وراحت مثل شجره تساقط ورقها

من بعدها مثل الاسى بين قوسين
اطرق لها بيبان محدن طرقها

قسمت منها جرح الايام جرحين
والشمس حال الغيم عني شفقها

دق الثواني بعدها حد سكين
اونس دقايقها بقلبن عتقها

القلب يصبر حين ون طال به حين
والنفس تهواها الى اخر رمقها

لاقلت تاتي جاوب الوقت بعدين
ولاردلي منها لو احدى حلقها

عيني بعدها ماتبي تنظر لعين
واذني بعد لبيهها تقل صقها

حبي لها مايعترف بالقوانين
العين تعشقها وقلبي علقها

الشوق لولا الشوق مابه محبين
وانا من اسبابه ضلوعي حرقها

وانا سوات اللي فهق غايته لين
ندم على لحظة لقى قد فهقها

ولولا الحيا والظلم والسلم والدين
لتشوف من يهوى ثمينه سرقهاا

صح لسااانك لين ترضى

مصافحه طيبه من طيب

مروري وكل التقدير لا عدمتك

عذبة بحس مرهف ...
لاعدمنا جديدك أخي ..

طلال بن فضل
صح الله لسانك ولا هنت
قصيده في منتهى الروعه
لك تقديري وأحترامي
فمان الكريم

جزل ياطلال

صح قلبك وكلك

وسلمت اناملك اخي

تحيتي لك

صح لسانك يا طلال ولا عدمتك

صح بدنك يالروقي
ورضاي انتم

اشكر مرورك

صح بدنك لين ولا خلا ولاعدم

صح بدنك يانواف
ولاعدمتك ومجرد مرورك اطراء بالنسبه لي

ابو عبدالرحمن الف شكر على مرورك

وانت شهادتك وسام بالنسبه لي

سامي ما انحرم من تواجدك يارب