مابعد عنتر وعبله غير ماحولك احد
بديت باسم الله الواحد الفرد الصمد
.............................في بداية حديثي وفي اواخر ختامه
الحقايق عليمه قالوا الخبر يتلاه رد
............................ماعلى هذا الكلام لا حجاب ولا غمامه
يوم قالوا الحب كامن في خوافي هالجسد
............................قلت ذا قلبي موثق بعدكم خاتم كلامه
كيف وهو عارف غرامه ويش مسوي ياسعد
............................ياسعد صدق عارف قلبي ويش سوى غرامه
يوم شاف النافره ذيك الحمامه في البلد
............................قص جنحان البعاد واطلق عنانه هيامه
كنه طرى ذيك الفتاه يوم ناداها الولد
............................ايه احبك يافتاتي وماعلى الدنيا ملامه
قلبي اللي انولد في حياته وانولد
............................مع حياته نبض اكبر من حدود افتهامه
ناظرت فيه وابتسم ثم ارمشت وارتعد
............................ثمن مشت واستبسمت وضيعته الابتسامه
قام ينبض في الدقيقه فوق ماهو معتقد
............................لين صوت ياحمامه ياحمامه ياحمامه
اخذي القلب المولع في غرامك انوجد
............................شبي في ضلوعه حريقه كنها برد وسلامه
رفرفي في سماه واطلقي ابواب السعد
............................قبل صوت الحب يصمت ويعلن استسلامه
بس راحت واختفت ومابقى للطير ود
............................مابقى غير السؤال وين غبتي ياحمامه
قصة تجبر ضعيف القلب كيف انه يشد
............................بس لا جار الزمان من تعلم من علامه
قسم بالله مايذبح قلب رجال بليا حد
............................سوى انثى درت وشلون ابجديات انهزامه
على ماقيل هذا الحب يدوخ اللي ماصمد
............................يلعب بقلوب الضعاف لعبة ابطال الندامه
بس انا عندي نصيحه قالها وافي الوعد
............................ارخي يازمامك يافتى ويافتاة ارخي زمامه
مابعد عنتر وعبله غير ماحولك احد
............................من روايات الغرام شب ضوك في ظلامه
يوم اشوف الرجل ضايع مالقى لحلمه سند
............................قلت ياراعي العزيمه هذا قلبك ويش علامه
قال من سبة غرامي قلت اجل ردد وردد
............................آه ياليل طولك هقوتك طالت نشامه
من ورى الحب ضاعت كل علومك ياسعد
............................ياسعد ضاع قلبك من وراك ومن امامه
اما قلبي تراه حالف مايدشه حب ابد
............................لو تجي بنت عجرم مايغير في كلامه
وافي الوعد
