كم ذبل ورد صوتي في براحة نداي......وكم بدى ليل حزني عن صباح السرور
[poem=font=",6,black,normal,normal" bkcolor="white" bkimage="" border="outset,4," type=2 line=0 align=center use=ex num="0,black""]
احسن الله عزاك واحسن الله عـزاي=لا ياقلبي تصبر مـات حـب وشعـور
اندفن في حشاك واندفن فـي حشـاي=واصدق الحب كذبه عايشه في الصدور
من عرفت المحبه وانت شاقي معـاي=شفت وشلون حبك يلعـب اليـوم دور
صمت وسكون قيّد هالحكي في شفاي=واعذب الحرف كفه قيدتـه السطـور
واكبر الفرح ذره ضايعه فـي سمـاي=واصغر الحزن اكبر من مسمى ظهور
توهتني المسافه لين ضعـت فمـداي=كني غياب يسئل ويش يعني الحضـور
اشرب العمر همي كن هالهـم شـاي=واكرم بجود قلبي في مقابـل قصـور
اعزف احزان عمري من نحيبي وبكاي=والف دمعه تطيح كن هالجفن سـور
كل ماشفت نفسي استحي من حيـاي=في مراياي صوره ودهـا لـو تثـور
شيبتها ظروفـي ليـن شابـت وراي=والزمن دوم جايـر والليالـي تـدور
طحت في درب حبي من سبايب هواي=ومن يطيح بغرامه نال بعض الكسـور
هاي اول غرامي واخـره قـول بـاي=وشف فراق الحبايب صح من قال جور
قالوا الحب وينه قلت انا الحب جـاي=واللي جاني بقايا مـن خرافـه وزور
في زمان الخيانـه مانفعنـي وفـاي=وفي حياة المحبه شفنا موت وقبـور
صح من قال يروي ضامي الحال ماي=مير في حال حبـي ماروتنـي بحـور
كم ذبل ورد صوتي في براحـة نـداي=وكم بدى ليل حزني عن صباح السرور
آه وشلون بصبر والصبر هو عنـاي=صدق من قال حظه كان عايش صبور
ذقت مر الليالي من عواقـب خطـاي=واكبر ذنوب دربـي يبتـدي بالعبـور
العمل دوم يجلب من سياقـه جـزاي=ومايخيب بحياته من تبع يـوم شـور
مابقى شي ياقلبي طلت انـا منتهـاي=من زرع شوك بِيده ماجنى له زهـور [/poem]
وافي الوعد
