بسم الله الرحمن الرحيم
السلام عليكم
يامرحبا فيكم جميع شلونكم ان شاءالله بخير
اليوم راح احكي عن الدعآء
لانه عبآده من العبآدات اللي مستحب نسويها بهالعشر
بس قبلها تخيل لو ان أخوك في الملحق وانت بالصاله وتبي تقول له شئ
وش بتسوي ؟
راح تنادي بصوت عالي يافلاااااااان ... صح ؟
بس لوه معك قريب بنفس الغرفه ماتحتاج هالصوت ولا هالنداء
انا بديت بهالمثل عشان اقرّب واقدم للي بقوله ولله المثل الاعلى
سأل الصحابه الرسول اللهم صلي وسلم عليه سؤال جدآ حلو
قالو : هل الله قريب فـ ننآجيه ام بعيد فـ نناديه !؟
المنادة طبعا تكون للبعيد والمنآجآة تطلق في حال القرب يعني كآنه معك وتساسره بـ سر
الرسول رد عليهم بالوحي لان الايه هذي نزلت جواب لسؤالهم يقول الله تعالى
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ
يآآآآه شفت كيف الله قريييييييييييب مننا لهذا الحد
لما ترفع يدك هالايام وتدع الله استشعر هالآيه وانت تدعي راح تحس بـ احساس حلو جدآ
يقولون ان الشخص المـُحسن الظن بالله ومتوكل عليه ومتفائل يروح يصلي صلاة الاستسقاء ومعاه مظله
,
لا تنسوني من دعائكم استودعكم الله الذي لاتضيع ودائعه
جزى الله خير من كتبها ومن اعان على نشرهاا
تحياتي لكم soso
