سالفتي سالفه لايفوتكم الجزء الثاني
لمطالعة الجزء الاول http://www.sfsaleh.com/vb/showthread...threadid=15295
رئيس التحرير : لو مو ابو جلمبوا يقرب لك ولا كانت علوم المهم شف هذي آخر فرصة بأعطيك إياها في جراح تجميل لبناني اسمه ( زياد بتّه) واصل السعودية يومين في المركز التخصصي الطبي أبيك تقابله تعرف لو تسوي المقابلة صدقني أن العدد بيخلص من الأسواق الحريم بيطامرون بيشوفون وش الجديد في جراحة التجميل هاه أعتمد عليك
أنا : (( وبضحكه شريره نياهاهاهاهاها )) ولا يهمك أزهلها أني لا افصفصه لك فصفصة ما أخلي فيه شي باساله حتى عن اسم أمه ومقاس جزمته و أنت بكرامه وبأصوره وهو يتكلم وهو يأكل وهو منسدح وحتى وهو بالحمام ولا يهمك بتكون مقابلة الموسم صدقني
رئيس التحرير : أهم شي السرية والسرعة لو درت جريدة ثانية عنه وقابلته قبلنا بننحرق حرق والسرعة لأنه جاي الرياض اليوم وبكرة الصباح ماشي بس جاي يعاين حالات مستعصيه ورايح
أنا : يالله أجل عن أذنك طال عمرك ما في وقت للسوالف
وبعد ست ساعات أدق على جوال رئيس التحرير
رئيس التحرير : ايوة وش المصيبة اللي جبتها هالمرة هاه قل لي
أنا : لا مافي مصايب ولله الحمد بس حبيت أبين لك الأمور ويكون كل شي واضح علشان ما تتهمني بالتقصير بعد ..هذاني حاشر رئيس قسم جراحة التجميل ومدير المستشفى حتى حقين السيكورتي ما في أحد منهم يبي يعترف و يقول أنه شاف او يعرف المدعو زياد بتّه تبي تسألهم بنفسك طال عمرك
رئيس التحرير : وشو وش هالحكي أمس مدير المستشفى قايل لي بنفسه ومدبر الموعد معك بالعافية علشان المقابلة ..أقل شي لو ما جا كان بيعطيني خبر
أنا : لحظة طال عمرك ..أنتم يالسملق (( لغير الناطقين بالنجديه كلمه مسبه بس وش معناها ماحد يدري يقال انها كلمه فرعونيه )) من فيكم مدير المستشفى اللي لاعب على رئيس تحريرنا يجي يكلمه بالتليفون قبل لا يشوف شي ما يجوز له
مدير المستشفى : ايوة طال عمرك أنا مدير المستشفى بذمتك طال عمرك أنا مكلمك أمس ولا عمري كلتمك ثاني حاجه يعني والله عيب المحرر حقكم حاجرنا في زاوية بالعقال وخذ ياتمحيط يعني لو يشوفنا أحد وش بيقول ما حلينا الواجب او مدخنين بالحمامات
رئيس التحرير : شكل في لبس في الموضوع ..ممكن تعطيني مراسلنا أبي أكلمه
مدير المستشفى :(( يقصدني )) طال عمرك رئيس التحرير بتاع جريدتكم يبغى يكلمك (( انبسطت اول مره احد يقولي طال عمرك ))
أنا : سم طال عمرك ..وش بغيت تبيني أمردغهم لك هنيا وأحوس مريرهم تراي قبل كنت العب كراتين << حلوه كراتين وأعرف بعد لأستعمال العجره
رئيس التحرير : لا بس قل لي أنت وينك فيه بالضبط
أنا : زي ما قلت لي طال عمرك في مستشفى التخصصي
رئيس التحرير : قصدك مستشفى الملك فيصل التخصصي
أنا : يعني طال عمرك في مستشفى غيره تخصصي غير حق العيون ماني دلخ ألقطها وهي طايره
رئيس التحرير : يا ثور أنا قلت لك المركز التخصصي الطبي مو مستشفى الملك فيصل التخصصي البناية الطويلة اللي قدامه وشلون أنت تفهم بالله وش أسوى فيك قل لي بس رفعت ضغطي ناوي تموتني أنت )) ويجلس يبكي من القهر ))
أنا : يعني مو المستشفى اللي أنا فيه ..
رئيس التحرير : لا مو هو ثانيا وش أنت مهبب مع الناس محجر لمدير المستشفى ورئيس قسم جراحة التجميل ناوي تسكر الجريدة ..المهم صرف نفسك بسرعة سو نفسك مجنون وأطلع من المستشفى لا يستدعون لك مكافحة الإرهاب ..و أول ما تطلع تدق علي فاهم ولا لا
واطلع من المستشفى بسرعة بعد ما سويت أنني أصور الكاميرا الخفية لرمضان الجاي نياهاهاهاهاهاهاهاهاهاهاها ((ذكي انا صح ))..و أدق على رئيس التحرير
أنا : آسف والله آسف وجهي من كثر الحيا منك صاير كبر الليمونة مدري وشلون أصلح غلطتي
رئيس التحرير : الله يآخذك أنا وش خلاني أوظفك لا بارك الله فيك ولا في قريبك ابوجلمبو ..المهم الجراح اللبناني ينتظرك علشان المقابلة عطيناه وعد
أنا : ولا يهمك أنا متوجه للمركز الطبي الخصخصي << من الخوف ضيعت مع أني ما أدري وينه بالظبط بس مصيري القاه
رئيس التحرير : أنت وجهك الدنيا الحين المغرب تبيه ينتظرك أنت ووجهك هو راح يسكن عند قريبه في مجمع البجعه الكستنائيه .. رح هناك حاطين خبر عند البوابة علشان يدخلونك فيلا رقم 17
أنا : وشو لا... مجمعات أنسى طال عمرك وش يوديني مجمعات بايع نفسي لا.. وحقت أجانب قالوا لك خبل
رئيس التحرير : شف يا وجه الغراب<< اي هو انا طبعاً ..أنت أن رحت مطرود و إذا ما رحت مطرود ومرحوم فقل لي وش بتختار ماني مفوت هالفرصة على الجريدة الرجال طيارته الساعة 1 الفجر لفرانكفورت ...
أنا : بس طال عمرك أمي حالفه علي ماأقرب شارع فيه مجمعات هالمرة تبيني أروح هناك بنفسي ما عندك خبر أن الرياض صارت فيها تفجيرات ولا تستهبل ولا وش قصدك ..
رئيس التحرير : يابن الحلال الديرة أمان رح وتوكل على الله وان حسيت شي يخوف انسدح وتشهد المهم المجمع موقعه كالتالي ............( لأسباب أمنية بحته نياهاهاهاهاهها ) يالله شد حيلك ولا تفشلني ..
وانطلق هناك واجلس ساعتين على البوابة تفتيش وتحقيق لين دخلوني وأتوجه لفيلا 17 و أقابل الجراح زياد بتّه
أنا : ممكن يا دختور تشرح لنا وش الجديد في جراحة تكبير الصدور وهل أنت تلاقي عليها إقبال في منطقة الخليج ولا لا .. ووش المقاسات اللي عليها طلب أكثر
الجراح : ولو جراحة تكبير الثدي .. من أكثر الجراحات انتشار في العالم وبالذات في منطئة الخليج صبايا كتار بيعملوا هالنوع من العمليات ...أما الجديد فيها هو لستك الماي .. بتعرف الليتسك بتاع الكفرات هيدا متلوا ... بس بنعبيه مي
الجراح : هيدا ليستك مضمون مش أي كلام ..
أنا : طيب المقاسات كم ممكن تعطينا نبذه
الجراح : والله بيعتمد على جسم الصبية و إذا هي مجوزة ولا مش مجوزه ... ولا مخطوبة ولا بدا تنخطب بس يعني هيك شي ... بس بصراحة عندكون في الخليج الصبايا بيحبوا المئاسات الكبيرة ما بعرف ليش
أنا : موب شغلك أنا أعرف ليش نياهاهاهاهاهاهاهاه انت بس انطم وكمل ..طيب ممكن يا دختور تعطينا نبذة عن أكثر الجراحات اللي لاحظت عليها إقبال في أثناء زيارتك للسعودية
الجراح : يوه يا حبيبي عندكم صبايا يعملوا سمكرة وبويه كاملة من تكبير للصدور إلى نفخ الشفايف إلى شد الوجه وشفط الدهون وتجميل الأنف والدئن (( أنا دقن ليه ناويات يربون لحيه بعد )) ..والموضه هلا تطويل الرئبه(( الله يقصف رقبتك يارب )) مع أنها عملية صعبة شوي ومكلفة كمانا بس الصبايا بيحبوها كتير وفوء هيدا كله بدون يزرعون شامات على وشوشن
أنا : (( ليه يادختور نخل هو او سدر )) طيب سمعنا في الأيام الماضية عن جراحة شفط الدهون من أماكن معينة ( شي في قلبه ) وجعلها بيضاوية أكثر ومشدوده ومنع الترهلات
الجراح : أماكن متل شو مش فاهم عليك يا زلمة
أنا : شف وش أنت جالس عليه يا دختوووور ..عساك سالم بس
الجراح : ئصدك الكرسي ... آآآه فهمت لك كتير .هيدا العلميات أكتر شي في اللي أعمارهن في التلاتينات وخلفوا أولاد
أنا : طيب يا دختور ممكن تعطينا نبذة عن آخر الصرعات في عمليات التجميل ..
الجراح : غير تكبير الصدر عندك مثلن تكبير العوينات .. هيدا عمليات لساتا جديدي ليهون مستئبل
انا : يادختور ماتلقالي شغله معك شكل البنات يطلعون من عندك صايرات موت
الدختور : نعم شو ئصدك
أنا : طيب يا دختور ما في عندكم بشرى للي يشتكون من المشق
الجراح : عفوا شو المشاق هيدا
أنا : المشق مو المشاق .هذا في البرد القارص تشوف الجلد يتفتق يتمزق يعني ويخشوشن فما تصير تفرق هو جلد ولا زولية قديمة ... فهمت
الجراح : أي أي فهمت عليك ..بس هيدا حبيب البي مش من اختصاصنا هيدا من اختصاص تبعون الجلدية ..الديرما
أنا : طيب ما في عملية ترقيع للكيعان والركب ..يعني بدل الشهابة والسواد .. ما ترقعونها
الجراح : والله هيدي فكرة منيحه كتير بس ئولتك هيك عمليات ممكن تنجح عندكم بيطلع لها ائبال كتير
أنا : اووه ما أقول لك ما راح تلحق عليهم أبد السوق هنا يغطي على سوق الصين بس الله يخليك ليت تبدون تسوونها قبل ما أفكر أعرس ... زين يا دكتور بصراحة سعدت كثير بمقابلتك وآسف على التأخير اللي صار اليوم بس غصب عني والله حصلت ظروف المهم توصيني شي أنا طالع للجريدة الحين لا يصير شي وتضيع المقابلة ..
وأطلع من عند الجراح وأتجه لبوابة المجمع وهناك ..صار ما صار ...شفت سيارة جيب نازل منها اثنين برشاشاتهم ويطلقون النار على البوابة والثاني يقول بسرعة افتح البوابة السيارة الثانية جايه لا تأخرها ونبلش وأنا قدام بوابة الخروج يوم شفت الدعوى كذا وعلى مذهبي القديم الحديث (( العطة يا بطة )) بس لو عطيت وطلعت من السيارة بيلعنون جدي ويقتلوني ..ولو شافوني بيقتلوني في السيارة .. فقمت تقوقعت في السيارة تحت الدريكسون كلي بس ,, وصك رأسي في الدريكسون ومن الوجع طحت على دواسة البنزين وما وعيت إلا سيارتي تنطلق بأسرع ما عندها وتكسر البوابة وما وعيت إلا ببوووووووووووووووم قوية ..أنا على بالي صار انفجار وأسمع صوت ناس يقولون وينه طلعه طلعه أنا على بالي رجال الدفاع المدني بينقذوني بعد الانفجار وقمت أقول أنا هنا شوفوني هنا تراني حي ما مت . واسمع واحد يقول هذا ابن الكلب اللي قتله نحتاجه جره جره وناس ينتعوني نتع من مكاني وأنا متكرفس ( متكرفس = متسفط منطوي ثلاث طويات ) تحت الدريكسون و أنا وقتها شعوري زي شعور أي مواطن سعودي الدفاع المدني على غير العادة ينقذه بسرعه ومبسوط ..
أنا : جزاكم الله خير الله يخليكم كنت بفطس بس الله فكني ..
رجال : اسكت يا عدو الله لا بارك الله فيك ..ويخبطني بشي على رأسي وافقد الوعي ..
وما دريت نفسي بعد فترة مدري كم ومكان مدري وين بس شكلها مزرعة أو استراحة و أنا مربط بحبال ..وحولي ناس جالسين ( مو مربطين مثلي ) وضايقة صدورهم
أنا : لو سمحتوا يا أخوان تراكم فاهمين السالفة غلط أنا مراسل صحفي في جريدة الخبر مالي دخل بالأرهابيين الله يأخذهم بس قولوا آمين
الرجال : كل تراب فاهم ولا لا أن سمعت صوتك مرة ثانية قطعت لسانك أنت ما تدري وش سويت
أنا : والله ما لي دخل بألارهابيين صدقني يا طويل العمر بس صادف الزمان والمكان
الرجال : أنت حرقت علينا عملية مخططين لها من ثلاث شهور كانت بتدوي في كل العالم يوم سويت فيها فارس وبتدافع عن وطنك ودعست البنزين وكسرت البوابة وصدمت السيارة اللي ملغمينها وقتلت السواق
أنا : أنا قتلت أحد وش تخربط طال عمرك تعوذ من إبليس وفهمني
الرجال : وأنت طالع بعنتريتك بالضبط دخلت على خوينا ابومرزوقه وهو في سيارته الكريسيدا الملغمة وهو متجه لبوابة الدخول .من قوة الصدمة ابومرزوقه مات على طول صدام موترك قطع رقبته نصين .. وفوق هذا كله عطلت العملية لان ريموت التفجير كان مع ابومرزوقه ولولا أن الله رحمنا ولا كانوا الكفرة المرور وصلوا وقبضوا علينا عرفت الآن وش سويت
أنا: طيب يومي أنا مبعثر تسبودكم ( كبودكم بس بالسعودي ) ليه خذيتوني ليه تعطلون أنفسكم علشاني والله ما استاهل الله يهديكم بس ...
الرجال : أولا نشوف ما نبي إعلامكم الكافر يسوي منك بطل قومي نبي العكس يطلعونك كافر إرهابي علشان تعرف تفزع مرة ثانية ...ثانيا نبي الأمير يشوفك ويطلع في حقك الحكم اللي تستاهله
أنا : أمير معكم أمير وش ذا تستخفون دمكم واحنا كل مكان نروح له نلقى أمير ما صارت حاله هذي تراكم طفشتونا بكل عاير نلقى امير
الرجال : أميرنا شيخنا مو أمرائكم أنتم الفسقة الماجنين
أنا : قصر صوتك لا يسمعونك ..وش فيهم كلهم ملح وقبلة
الرجال : الله يأخذهم ويأخذك قبلهم يا فاسق يا ماجن يا نصير الشيطان ..
أنا : والله يا خوفي أن لقطوك المباحث أن كل هالحتسي(( الحكي بس بالسعوديه )) والعنتريات تختفي ويصيرون أملح ناس في الدنيا ..
وشوي ويجي واحد لابس بشت و كلهم يلتمون عليه يسلمون ويعزونه في اللي اسمه ابومرزوقه ويقولون له عظم الله أجرك يا أمير في ابومرزوقه ويقبل هالأمير صوبي
الأمير : أنت الفاسق اللي خرب العملية أنت اللي أفسدت 3 شهور من التخطيط
أنا: أخبرهم أول يسلمون (( مو الهيئه نياهاهاهاهاهااها )) ..ثانيا والله مدري وش أنت تقول ولا وش تقصد بس يعني هو حادث مروري وحصل خير كل واحد يصلح سيارتكم وولدكم ندفع ديته ونصوم شهرين مو هذا حكم الشرع
الأمير : أنت يا فاسق صاير زي حكومتكم تسوي شي وتروح تقول الشرع وحكم الشرع ونطبق الشرع
أنا : أنا وش دخلني بحكومتي إذا هي فاسقة تفاهموا معهم تدري وشلون شيلوا علم فوق هالاستراحة وأعلنوا الاستقلال ولا تنسون تعزمون مراسل الجزيرة .. ولا مراسل البي بي سي ..
الأمير : تتريق أنت ووجهك بس تدري وش بيكون عقابك .. تدري ولا ما تدري
أنا : فلكة ( ضرب بالعصا من الرجل ) ولا بتحلقون شعري (( على بالي اني في الهيئه )) نياهاهااهاهاههاهاهاهاهاها هاهاهااهها
يا ترى وش بيكون العقاب تبون تعرفون تابعوا معنا الجزء الثالث
نياهاهاهاهاهاهاهاهاهاهاها هاهاهاهاهاهاهاهاهاهاهاهاه اهاها
الحانوتي المنسجناتي الارهابياتي
