راعى الجود

اعجبتنى هذه القصيده فهي اهداء لمنتدى غرابيل

واتمنى قراتها بتمعن والعمل بها وابدى الراى حولها

الجود عز وراعي الجود ماخــــــاب
ماخــــاب غير اللي يعز الرخومي

الجـــود له قفل ومفاتيح وأبـــواب
الجود دونه ضلع زامي زحــــومي

يالاجودي بأوصيك لاترافق أذنـاب
لاترافـــق الا طيــــبين العلـــومي

دورلــك ارجــال شريفين واشنــاب
يرسون مرســى عاليات الرجومي

الـــلاش ماينفعــــك لاكشر النـــاب
اللاش في الشدة ترى مايقومـــي

لاشفتـــلك رجـــل مبلــس وكــذاب
كـــبه ولاتنصاه وقـــت اللزومــي

ولاشفتلك خبــل عن الحق مجـناب
لاتجــعله يمنـــاك يابن القرومـــي

ال*** نـــذل للعراقــــيب شــذاب
خــــوته ماتشــرى ولاهي تدومي

والكـــفو دايـــم للمراقيب ذبـــاب
للعــــز والطــــالات دايــم يرومــي

عز الخوي والجار دايم له حجــاب
يامـــن به اللــي حاديته الهمومي

فبنصحك يا رجل للامداح كســاب
ياللي تبي سمعتك مثل النجومي

رافــق حرار تعتــلي كل مرقــاب
أهل النقا والمرجلـــة والعزومــي

اللي مواقفــهم لها عد وحســـاب
في ساعة فيها الرجل مايزومـي

والرفقة اللي مالها عمد واطنــاب
تنهـــد صحبــتها بليل ويومـــــي

ويالله ياوالي علــى كل الأربــاب
أنك تعــز أهل الوفا والسلومــي

هذا وصلى الله على سيد الأصحاب
صلــوا عليــه وسلموا يالعمومـي
وسلامتكم .....

صح لسانك ولسانه

صح بدنك يابوعبد الرحمن

والله لايحرمنا منك
ومن توجيهاتك القيمه
اللى نعتبره وسام على صدورنا