ترف العين فين رحلوا الحبايب
هامت مهجتي والگلب لايب
تدور العين تسأل وين رحلوا وين
آغص بعبرتي وتهمل العين
اعتب عالوکت اللي حرمني الزين
علامک يا گلب کالشمع ذايب
ترف العين وين رحلوا الحبايب
............................
ترف العين وأسأل من بعدکم
تره گلبي رحل وآطيافه عدکم
سنين انگظت واغلط کم بقى کم
کريم أصل حيله رکد وانتم سبايب
ترف العين وين رحلوا الحبايب
.............................
ترف العين منکسره يتيمه
صگر حر بشراک لئيمه
جار الوکت على حره کريمه
شکوتي لله ولا دونه معاتب
ترف العين وين رحلوا الحبايب
....................
ترف العين مسجونه بموقف
حظ تردى والوکت مجحف
انا روحي اسيره ترتجي موقف
لا من دون بل من خير النسايبترف العين وين رحلوا الحبايب
.........
Norway \ Bremanger.....الأديب حكمت الناهي
