@@ اقول القول و ابيّن مقالي ... مانيب اللي تحاكا بالهزالي @@ صخريه
صلوا على النبي
............
..........
........
......
....
..
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
اقول القول و ابيّن مقالي = مانيب اللي تحاكا بالهزالي
سمين الهرج عندي و المثّبت = على فعلٍ ينومس كل غالي
و شعرٍي مثل فعلي افتخربه = مثل فخري بـ/أعمام و خوالي
قصيدي لا زهمته جاك لافي = كما سيلٍ تحدر من عوالي
اعده مدح في طيب الفعايل = و اعد اللي احبه برتجالي
احب الصيت في فعلٍ مقامه = يعليني معه لا زان بالي
و احب البر و البيت المروبع = مع ذودٍ تدرهم من قبالي
و احب الضيف لا جاني مسيّر = و خذا ماجوب حقه من حلالي
و احب الضو مشبوبه و كيفي = معاميلٍ تبهّر في دلالي
اجيب البن من يافع و حمسه = شقارٍ زدت حرقه بعتدالي
ابيه يفوح في دله و يطبخ = عشر لو فوق عشرٍ ما أبالي
لان الكيف توقيته محدد = على فوح البغاديد الثقالي
و احب المجلس اللي فيه يذكر = نظيف القول و افعال الرجالي
و احب الكلمه ان جاتك مليّه = ثمينه ما تسعّر بالريالي
و احب القاف لا جا في مجاله = على المنكوس و البحر الهلالي
و احب الشاعر اللي ريح بيته = مثل عودٍ تطابخ بشتعالي
اذا جاب القصيده بان فعله = قبل شعره و لا فيها جدالي
كريم افكار و ابياته جزيله = و لا روّح مع الغاوين سالي
اذا عد القصيده ما تمله = ثباتٍ ما ترادم من هيالي
و احب اللي عيونه والدينه = كمالٍ له و لله الكمالي
و احب اللي حفظ حق الاخوه = و لا يقطع قريبه بالوصالي
و احب الجار لا من ضاق جاره = كفاه الضيق من ضيم الليالي
و احب اللي ليا شال الثقيله = يطيق الحمل لو حمله جبالي
ذكرت اللي احبه في قصيدي = على طرقٍ جبرني ما طرالي
بديته هاويٍ و اليوم غاوي = و اشوفه قام يعبر من خلالي
و سلطان المراجل شاهدٍ لي = و سمّاني رفيقي من مجالي
صخرت القاف من بحر(ن) مسمى = على صخر القبيله بالشمالي
بنيته و المدى وافر و عندي = مقادير النظم أول و تالي
عساني لا بدعته ما بخسته = و عساني ما اجيب الا الجزالي
[/poem]
اجمل التحايا
ناصر السحيمي
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
صخرت القاف من بحر(ن) مسمى
على صخـر القبيلـه بالشمالـي
بنيته و المدى وافـر و عنـدي
مقاديـر النظـم أول و تـالـي
عساني لا بدعتـه مـا بخستـه
و عساني ما اجيـب الا الجزالـي
صح لسانك مليون ولا يكفون
النايفة
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
ناصر السحيمي ,,
صح لسانك ولاهنت
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
صح قلبك وكلك ياناصر
جزله ومن شاعر جزل
لله درك
تحيتي لك
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
صح لساااااااانك يانااااااااصر
الشهاده لله انك تغرف من بحر
كان واضحه سهولة الألفاظ وقوة التركيب وترابط الأبيات وتوظيف المعاني في صياغة القصيده
الله يوفقك ياناصرالسحيمي
تقبل مروري المتواضع
وتقديري واحترامي
اخوك
نايف الروقي
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
معزوفة عذبة تسمو بمعان رائعة ..
سلمت ودمت شاعرنا للأجمل ..
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
صلى الله عليه وسلم
لله درك يابو بندر
قريتها قبل المره هذي يمكن خمس مرات
وكل مره يتجدد الاعجاب بهذه الدره وبكل ماتكتب يابو بندر
صح لسااانك ياشاعر الصخريات بدون منازع
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
ناصر السحيمي
هلا بك وغلا
وصلى الله وسلم على نبينا محمد
صح لسانك الى رضاك
قصيده وافيه من وافي
و احب الضيف لا جاني مسيّـر
و خذا ماجوب حقه من حلالـي
والنعم فيك ياناصر
القصيده كلها اعجبتني لكن اقتباس هذا البيت بسبب العجز من جمال صياغته وسهولة بناءه
لله درك على هكذا شعر .
تقبل مروري
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
اقتباس:
المشاركة الأصلية كتبت بواسطة نايفة شمر
صخرت القاف من بحر(ن) مسمى
على صخـر القبيلـه بالشمالـي
بنيته و المدى وافـر و عنـدي
مقاديـر النظـم أول و تـالـي
عساني لا بدعتـه مـا بخستـه
و عساني ما اجيـب الا الجزالـي
صح لسانك مليون ولا يكفون
النايفة
ارحبي يا بنت حمّاي الدخيل
و صح الله بدنك
و لا هنتِ على المرور
تحياتي لكِ
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
ناصر السحيمي
ونعم فيك وصح السانك مليون لايسدون
شاعر جزل وشهاتي فيك مجروحه
تقل احترامي
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
صح لسانك وقللبك..
قصيده راائعه,,
الله يعطيك الف عافيه,,
لاعدمنا جديدكـ.,
رد: @@ اقول القول و ابيّن مقالي ... مانيب اللي تحاكا بالهزالي @@ صخريه
احب الشاعر اللي ريـح بيتـه
مثـل عـودٍ تطابـخ بشتعالـي
جزلة ومن شاعر جزل
صح لسانك وقلبك
