المصلي والشيطان وسوالف

دردشة مع شيطان أثناء الصلاة

بسم الله الرحمن الرحيم



* أيها الأحبة ... السلام عليكم ورحمة الله وبركاته :


* الشيطان وجنوده من الإنس والجن يعملون ( 24 ) ساعة دون ملل ولا كلل ولا ضعف في إغوائنا وإعاقتنا عن أداء واجباتنا وحقوق الله علينا ، ويعملون على ضلالنا وبعدنا عن الحق وأهله ، وعن كل ما فيه خير لنا ، ودائماً هم ينجحون ولا يزالون ينجحون في أداء أعمالهم المختلفة وكل حسب تخصصه ومؤهلاته .


* تعالوا أيها الأخوة والأحبة لنسمع هذه الدردشة بين رجل عاديّ ومقصر في مسألة (الخشوع) في الصلاة وبين شيطان محترف وتخصّصه (هواجيس مصلين) حيث داهمه عند تكبيرة الإحرام وأخذ معه أشواطا من (الدردشة) في كل شئ وعن أيّ شئ ، ولم يُفارقه إلا حين التسليمة الثانية من نهاية الصلاة ، وذلك بعد إستلمه من (شيطان) آخر أثناء الخطبة وتخصص (إلهاء عن الخطبة) وسأرمز لصاحبنا بالحرف (ص) ، وسأرمز للشيطان بحرف (ش) :

ــ الإمام يُكبّر تكبيرة الإحرام ويشرع في قراء الفاتحة ..


* ويُكبّر صاحبنا ، وتبدأ الدردشة :

ص / الله أكبر .. ليتني ما وقفت عند هالهندي ، ريحته ثوم ، وثيابه كنها وسخة .
ش / يا رجال خلك أنت الحبيب وهذه عظمة (الصلاة) ما فيه فرق بين المصلين
ص/ صادق والله ، حتى الشخص الثاني على يساري شكله (سوداني) عرفته من ثيابه وأكمامها ..!!
ش/ وش رأيك بالمسجد ؟
ص/ المسجد نظيف وبارد بس المشكلة كثرة (العمال) اللي يصلون فيه ، وبعدين (الرخام) اللي عند (المحراب) عاجبني بالمرّة ..
ش/ الرخام اللي تبغى تركبه لبيتك أحلى وأجمل ..
ص/ والله إنك صادق ، بس أنا راح أركب لون أبيض ، وهذا (مشمشي) ..!!
ش/ الإمام هذا يطوّل في الصلاة ..!!
ص/ هذي مشكلتنا مع هالأئمة ، يتحكمون في الناس ويطولون فيها ، على بالهم (خشوع) الله يهديهم ، ما يشوفون (المأمومين) كيف أجناسهم ما بين طفل وعاجز وحديث إسلام ..الخ ، هذي مشكلة فعلا ، على الأقل إمام المسجد هذا صوته زين ويخلي الواحد يخشع ..!!
ش/ لا تنسى تتصل على (أمك) عشان تعتذر لها عن إنشغالك اليوم ؟
ص/ صحيح والله ، ذكرتني الله يعافيك ..!! لازم أتصل عليها على طول بعد الصلاة عشان ما تزعل ، كل شئ إلا (الأم) حقها كبير عند الله ..
ش/ بس لو الوالدة تترفق بالمدام كان كل شئ زين ..؟
ص/ والله صحيح ، هذي مشكلتي الأزلية إني عجزت أوفق بين (زوجتي) و (أمي) ..!
ش/ يا رجال أنت ما قصرت مع زوجتك ولا مع أمك ، بس (الحريم) مشاكلهن كثيرة ..
ص/ تذكرت (زوجتي) أوصتني أجيب أغراض للبيت ؟
ش/ أكيد (خبز) صامولي و (فول) ..
ص/ لا والله أكثر من الخبز والفول : خبز ، وطماط ، وخيار ، وبقدونس ، ودجاج ، وشطة ، وزيتون مبشور ، وجبن مبشور (عشان البيتزا) و .. و .. فيه شئ نسيته .!! أها تذكرت ، كرتون (أندمي) (شعيرة سريعة التحضير) ، وفيه شئ ثاني .. نسيته بعد .. نسيته
ش/ لا تنسى شئ ، وبعدين كيف تخلص نفسك من (المدام) ؟


* (فـجـأة) : الإمام يُكبر للركوع ثم السجود ثم القيام ، وصاحبنا لا يزال يحاول أن يتذكر الشئ الذي نسيه من (أغراض البيت) ، ولكنه لم يستطع ..


* الإمام يبدأ بالركعة الثانية والأخيرة (صلاة الجمعة) .. وتعود الدردشة :

ص/ أها ... تذكرت الحاجة المهمة اللي بقيت من الأغراض ..
ش/ أكيد أدوات مكتبية ..
ص/ لا ... الأدوات المكتبية لاحقين عليها بعد كم يوم ، الوصية المهمة ، هي أنني أمـرّ على المشغل عشان أسأل عن (تنورة) المدام خلصت وإلا لسّه ..
ش/ إيش رأيك بشماغ الرجال اللي قدامك ؟
ص/ حلو ... أكيد (البسام) ، وإلا (المراسيم) ، لا لا أكيد (بروجيه) ، والله طلعت علينا أسماء وأشكال بعضها زين وبعضها يلوع الكبد ..
ش/ فيه إزعاج في خلف المسجد ..
ص/ يمكن (أطفال) يلعبون في مؤخرة المسجد ، وإلا مراهقين .. الله يهديهم ..

(( فجأة)) ـــ يرن (جوال) صاحبنا .. فيُسكته بسرعة وبحرج شديد ...

ص/ مين اللي يتصل في وقت الصلاة هذا ؟ والله ناس ما تعرف توقيت الاتصالات ، طيب معروف إن هذا الوقت وقت (صلاة) ، الحمد الله إني طفيته بسرعة ، بس عسى ما يـدق ثانية ..الله يستر ..
ش/ ليه ما تشوف هوية الشخص المتصل ؟
ص/ لا يا شيخ (حرام) أطالع في الرقم والاسم ، وبعدين أفقد (خشوعي) ..
ش/ صحيح ، إتركه حتى تنتهي الصلاة ..
ص/ فيه موضوع قرأته قبل الصلاة في (الانترنت) عبارة عن نصيحة لأصحاب (الجولات) ومستخدميها ، والمفروض إني تركت (الجوال) على الصامت ..
ش/ إلا إيش صار على موضوعك الجديد في عن (الخشوع) متى راح تنشره في المنتدى ؟
ص/ الموضوع شبه جاهز ، يبغى له مراجعة أخيرة ويصبح جاهز للنشر .. يمكن أنشره بعد (الغداء) ..
ش/ الله يعطيك العافية / موضوع ثمين وممتاز ومتعوب عليه ..
ص/ طبعاً .. الله يثبتنا ويرزقنا الخشوع في الصلاة ..

* (( الإمام )) يبدأ بالركوع والسجود للركعة الثانية ، وصاحبنا في دردشته :
\ص/ الله يعين على زحمة الخروج من المسجد ، والحمدالله سيارتي وقفتها بعيد عن الزحمة ..
ش/ بس وقفتها بعيد عن المسجد ؟ والجو حار والشمس حارقة ..
ص/ بعيدة صحيح ، لكن ما حولها زحمة سيارات وأوادم ..
ش/ طلع شماغ الرجال اللي قدامك (دنهل) ..
ص/ أها .. دنهل ، هذا (دخان) وإلا ماركة (شماغ) ، بس شكله (غالي) وفيه لمعة حلوة ، أحاول أشتري مثله إن كان إنه رخيص ، يعني حول (الستين) ريال ، ممكن أدفع (سبعين)
ش/ وأخيرا (سـّلم) الإمام ... مع السلامة ..

* قام صاحبنا من فوره بعد التسليمة الثانية ، وقد ودّع (الشيطان) بالحفاوة والطاعة ، وخرج إلى (السوق) ثم إلى (المشغل) و (المخبز) ، وحين عاد إلى بيته وزوجته ، سألته :
ــ لماذا تأخرت كثيرا ؟
ــ فقال لها :
ــ لقد ذهبت للصلاة في المسجد الكبير والجديد الموجود في حارّة (أهلك) .
ــ فقالت : ولكن مسجد (أهلي) بعيد .
ــ فقال : صحيح أن المسجد بعيد لكن الصلاة فيه تُساعد على الخشوع ..
ــ فقالت له المدام / صحيح ... الله يهديك ويثبتك



منقول بس مفيد

سيدتي عسل الجنوب

شكراً لك على هذا النقل

لاحول ولا قوة الا بالله

للاسف انه كثير من الناس فقدت الخشوع في صلاتها

الله يهديهم يا رب

جزاك الله خيرا اختي عسل الجنوب

جزاك الله خير
ياعسل
مشكلة الخشوع في الصلاة
مشكلة عظيمة
وتحتاج الى الكثير من
مجاهدة النفس
ومجاهدة الشيطان
ومثال ذلك
اذا وسوس الانسان في صلاتة
فعلية ان يتعوذ بالله من الشيطان الرجيم
ثم ينفث عن يساره ثلاثا.



ودمتم

للاسف هذا اللي جالس يصير مع اغلب الناس

جزاك الله خير اختي الغالية عسوولة

سوسي

جزاكم الله خير
جمييييييييييييييييييييييي ييييييعا