-:: ملهمتها قذاره ::-

[rams]http://www.smaanet.com/abd/po0001.mp3[/rams]
:: ملهمتها قذاره ::[poem=font="Simplified Arabic,5,darkblue,bold,normal" bkcolor="white" bkimage="" border="groove,6,royalblue" type=2 line=0 align=center use=ex num="0,black"]
بعض المشاعر ملهمتها قذاره = وبعض القذاره تنكتب حس وشعور
وبعض الحكي يخرج ويثقل عياره = وبعضه يصيد غراب بـ/لباس عصفور
وبعضه يحقق امنيات العذاره = وبعضه يجلجل داخل الصدر ويثور
وم/قصد احد بالذات عند الإشاره = اقصد إبن آوى إذا هام مسعور
أقصد قزم إيده تطول المناره = يرقى على سيقان أكتع ومبتور
وقبل الحكي ينضح بطعم المراره = اطلب عذر لاني على المر مجبور
ويبقى الشعر حبكة حكي واستعاره = مايستحق تهوج وتفز مذعور
هيا اسمعي صوت الأماني ياجاره = يمكن ينال الشعر تأشيرةْ عبور
نفسي تولوني على ذا الإدارة = اكشف لكم بعض الخفايا ورى السور
افضح بشر تهدم باسم الحضاره = مال الفقير ومال عاجز ومكسور
وافد يغني والمواطن بطاره = وذياب ترقص بين واضح ومستور
ابن الشقيقه كان يبني عماره = واحسن مراكب حضرته حوض حنطور
واليوم جانا ...مركزه فـ/الصداره = غيَّر مسمى مهنته ...صار دكتور
قدم شهادة امتياز بجداره = شاف المحارم شاف عوره ومحضور
آخذ صلاحية وكيل الأماره = يخدم اقارب عيلته دون طابور
يسكن قصور ٍ تكتسيها الإناره = وسيارته سيارة انسان مشهور
وابن البلد اصبح غريبٍ(ن) بداره = يرجي شفاعة شخص احمق وطرطور
ويبقى المدبِّر خلف ذيك الستاره = مايكشفه قانون وضعي ودستور
مـ/اشره على وافد دخل للتجاره = اشره على اللي أدخله بسم مآمور
واشره علينا.. وحبنا للإداره = واشره علينا لاننا .. نكره النور
واشره علينا .. مدَّعين الطهاره = واشره علينا ..ومبدأ الدين مهجور
واشره على الميزان كال بشطاره = خلاَّ بليد الحال يكتب بطبشور
واشره على اللي مهنته ف/العطاره = يترك شذها ..ينفخ الكير بسرور
واشره علينا .. نتجه للخساره = واشره علينا .. صاحب الحق مقهور
واشره على نص الشعر دق زاره = رقَّص بنات الفكر في وسط جمهور
وش حيلتي دام الحكي في مداره = يقشع كما نجمه وسط ليل ديجور
وابن الوطن مايفتهم بالإشاره = همه يقدم خدمته خارج الدور
هذا مدير وذا بمكتب وزاره = وهذا بتجاره يجعل الجيب معمور
وهذا المعلم يمنح الإبن شاره = يدخل بها كلية الطب مشكور
مدري متا بهمه نقيم انكساره = نرفض نولي ذي المناصب لمغرور
المشكله ان جا لثوبه شراره = تلقى معالي حضرته صار شطور
يثبت ولائه للوطن في عباره = تكتب على حائط لها لحن مجرور
واهل المصالح طبلوا في حراره = لجل السكارى تقبل الوضع بحبور
وياليت شعري ماتعدى غباره = وهذي الأماني ساكنه وسط حنجور
بوقف هنا يكفي .. رصيف واناره = ويكفي مظلة تجمع الصور والعور
ويكفي عباره تتسم بالإثاره = ويكفي نكرر بيت حكمه ومأثور
والله لو اترك حروفي بغزاره = يصحى على دق الطبل كل مخمور[/poem]

وعذراً على الإطاله
عبدالرحمن المدني

صح قلبك وكلك ياعبدالرحمن


جزله ومن شاعر جزل


ولي شرف المقعد الاول هنا


تحيتي لك

عبدالرحمن المدني ,,,

صح لسانك ولاهنت

درة تستحق الحفظ والتدوين ..لإعادة التأمل ..
لاعدمنا هكذا عطاء سخي شاعرنا ..

صح لساانك...

اقتباس:

---

المشاركة الأصلية كتبت بواسطة أبوعبدالرحمن

صح قلبك وكلك ياعبدالرحمن


جزله ومن شاعر جزل


ولي شرف المقعد الاول هنا


تحيتي لك

---

صح بدنك ولاهنت يابو عبدالرحمن
وللقصيدة وكاتبها شرف حضورك يالحبيب
دمت ودام نورك

تحيتي والتقدير

اقتباس:

---

المشاركة الأصلية كتبت بواسطة محمد بن ضاوي

عبدالرحمن المدني ,,,

صح لسانك ولاهنت

---

بن ضاوي

صح بدنك يالحبيب
انرت الصفحة وزينت القوافي بحضورك

تحيتي والتقدير

اقتباس:

---

المشاركة الأصلية كتبت بواسطة ليــن

درة تستحق الحفظ والتدوين ..لإعادة التأمل ..
لاعدمنا هكذا عطاء سخي شاعرنا ..

---

زاد بريق الدرة بنورك ونثر عطورك
ولاحرمني الله كرم حضورك أخيه

تحيتي والتقدير

اقتباس:

---

المشاركة الأصلية كتبت بواسطة جواهر

صح لساانك...

---

صح بدنك ولاهنتِ
تشرفت بمرورك أختي الكريمة

تحيتي والتقدير

صح السانك


ياعبدالرحمن


تقبل مروري

عبدالرحمن المدني


صح الله لسانك ولا هنت

قصيده بقمه الجزاله

تقبل مروري المتواضع

في أنتظار جديدك بفارق الصبر

تقديري وأحترامي

فمان الكريم

عبدالرحمن المدني

صح قلبكـ

سلمت يمناكـ

سلام..

بارك الله فيك على هذه القصيدة الجميلة
لافض الله فوك

صح لسانك
الله لايهينك
بإنتظار ابداعاتك

صح لسانك ولاهنت ...

تقبل مروري ...