حر الاستقبال للمحبوبه وبعدها تفاجأت بالخيانه وثم الدعوه عليها

[poem=font="simplified arabic,6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


زاح الظلام وعود النور نورين=وهلت على حايل هماليل الامطار
يوم ان منيره سيرة يوم الاثنين=تخالطت مابين وديان وانهار
حايل ترحب بك وارحب ملايين=واجا وسلمى والرعيله ومنشار
يامرحبا باللي لفى عقب شهرين=نورت حايل وانورت كل الانوار
والله ثم والله وماضي علي دين=لوهي بكيفي صار شي فلا صار
لفرش لك اللولو واحطك بجفنين=والبسك كل الذهب حد الاظفار
واقف على راسك برمح وسيفين=وازرع على دربك بساتين وابهار
مع وسط دمي يامنيره تمشين=ياما وصل قلبي ليا حد الاخطار
قالو علامك قلت انا فاقد شين=من عقبها صايم ولاذقت الافطار
قعدت اردد ياحمام البساتين=في وسط ناس همها رقص هوار
همك سكن قلبي وصرنا وليفين=وعشنا مع همومك جار على جار
وش الذي سويت يومك تخونين=واثري الوفاء في جوكم طاير طار
عملت بي عمل اليهود بفلسطين=مستسلم لك والبلاء عندك اصرار
لاني بخابر باقي لك علي دين=اما اذبحن ولا اتركن ضمن الاحرار
ياشيب عيني لاسمعتك تونين=خصا لياقلتي لك الشوق محتار
لامن ذكرتك حركت دمعة العين=وتنزل على كفي واحبه بتكرار
ودي اوصي واتركيها معك دين=لاينتهي حبي على طول تذكار
ومري على قبري ولو عقب عامين=قولي ضحية حب وشالته الاقدار
ياعين هلي دمعك اليوم ياعين=خلي دموعك كلها اليوم حضار
خوذي وداع مبروز بين قوسين=قلتي لي اول لاتجيبه بالاذكار
اليوم اقوله وادبل الصاع صاعين=ذوقي مرار اللي شرب كل الامرار
يازينها بافمي وداع ووداعين=ابجرحك جرح يشيب بالاعمار
وحطي على رقمي بالاحمر صليبين=وحطي على طيفي اماني وتذكار
هذا حصادك في يدينك تحصدين=وهذي نهاية شخص للحب غدار
روحي عسى كل البلاوي تذوقين=وعسى الفرح ماياصلك طول الاعمار
وعساك في عالم يهود ومجانين=وعساك مابين العيادات بشهار
وعسى حياتك كلها بين نارين=وعسى الحزن يرفع على راسك شعار
غرن قناعك واحسب انك تحبين=وطلع كلامك من حكايات ثرثار
واثري شعورك منتجه وارد الصين=وصارت علومك من تماثيل غوار[/poem]

عبدالرحمن الصقري ,,,

صح لسانك ولاهنت

قصيده في بدايتها رقيقه وجميله ولكنها تجردت من انسانيتها وعواطفها لاحقا

لا ادري لماذا ولكن كل واحد وله قناعاته

صح قلبك وكلك

وهذا حال المحبين


تحيتي لك

صح لسانك وقلبك..

والله يعطيك الف عافيه,,

لاعدمنا جديدك..

الله عليك ياجزل


لله درك على هذه الدره


صح لسانك وعلا شانك




تحيتي وتقديري

صح لسانك ياعبدالرحمن والله لايهينك
تقبل مروري وننتظر جديدك

اســـتغفر الله كل ما اخطيت واستغفــــر الله كل مازليــت


اخي وعزيزي محمد بن ضاوي

احيانا الانسان لايعلم ماذا يقول من شدة مايعيشه او مايعاني منه في نفس الوقت

اسف ان كان هناك اساءه في الابيات او شي لايليق او اني كتبت عن مناسبه غريبه من نوعها

اشكر مرورك

وتقبل وااافر التحيه

اخي ابو عبدالرحمن

صح كلك وتسلم الله يخليك

شاكر ومقدر مرورك

تقبل واااافر التحيه

سفيرة الشوق

صح بدنك

الله يعافيك

شاكر مرورك

تقبلي وااافر التحيه

اخــي مشــــعــــــل الشــــايقــــي

الله لايهينك

احرجتني ياصاحبي بالحيل بالحيل

صح بدنك وكلك

الف الف شكر على المرور

تقبل كل التحاااااياااااااااا

الروقــــــــــــي

صح بدنك يالــــــــــــروقي

الف شكر على مرورك العذب

تقبل وااااااافر التحيه