لست كاتبها ولكن معجب بها
قصيدة منقوله للشاعر ماهر مبروك ابوناب
ابــا انـتـظـرك تـعــود فالمـيـعـاد الاول لـــي ولـــك
نفـس المكـان اللـي جمعنـا وانــت كـنـت المنتـظـر
فــي واحــة" انــت الــذي احييتـهـا يـااحــلا مـلــك
والا مــن اول قـاحـلـه لا عـيــن فـيـهـا ولا شـجــر
ابـا انتـظـر عـنـد الــورود الـلـي شـذاهـا مــال لــك
بـيـن العـيـون الـلـي بـكـم مـاهـا تـفـجـر وانـفـجـر
تحـت الغصـون ام الـوروش اللـي شجـرهـا ظلـلـك
وانـتـه سقـيـت جـذورهـا ومـدتـك بالـظـل والثـمـر
اللـي جنـت لـك نفسهـا مـن دون تجنـي جـات لــك
يـوم الطيوراللـي عـلـى الاغـصـان طيـرّهـا القـهـر
ماتجـهـلـه ذاك الـمـكــان الــلــي ابــــد مايـجـهـلـك
فالليلـه اللـي غيـر انـا وانتـه تحـت ضــوء القـمـر
أبــا انتـظـرك هـنـاك مهـمـا غـبـت عـنـي بمـهـلـك
ابـــا امـهـلـك يـالـيـن سـكــرات المـنـيـه تـحـتـظـر
مهـمـا تحدتـنـي ظــروف الـوقـت مـانــي مهـمـلـك
اصبـر كمـا صبـر الصحـاري تحتـري وبـل المـطـر
حتـى ولـو جسمـي نحل,والقلـب مــن هـمـي هـلـك
حتـى ولـو حـتّ الهـدب والرمـش وانـحـت الشـعـر
تـدري بـأن العيـن تـصـرخ بالـدمـوع اشتـقـت لــك
ماهـمـهـا ألا شـوفـتـك قــــدام لا يـعـمــى الـبـصــر
وتــدري بـأنـي لا غـفـت عيـنـي فــؤادي فــز لـــك
وافـزلـك, لـيـت و لـعـل انــك تـعـود مـــن الـسـفـر
ومـع طلـة الصبـح اسـأل النسمـات ويـنـه منـزلـك
وليّا اشرقت شمس" سألت شعاعها, هل من خبر؟
ماجـاوبـت لـيـن الـغـروب وبـانـت نـجــوم الـفـلـك
واسـأل دخيلـك بشّـري, واجـلـي همـومـي والـكـدر
وانظـر لمطـلاع القمـر ,قـبـل اسـألـه قــال اسـألـك
ويـن الحبيـب الـلـي عـلـى نــوره تعـودنـا السـهـر
قلت إنتظر ,وانـا انتظـر ,مكتـوب لـي مكتـوب لـك
بفـراقـنـا الـوالــي امـــر,والله حـكـيـم بــمــا امــــر
واليسـر مـن بعـد العسر,وعسرالـدروب تـفـك لــك
والصـبـر مفـتـاح الـفـرج والله يعـيـن الـلـي صـبـر
