قصيده البنز((( مشاركه ))))
السلام عليكم ورحمة الله وبركاته
مشاركه
اتمنى ان اتنال بعض الاعجاب
اقول
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله على اللي جاهز ٍ للمطاريش = بنز ٍ جديد وسكبته تبرد الجاش
عليه تزهى زاهيات التناقيش = تقول مصنوع ٍ لوقفه ومطراش
اليا وقف شيخ ٍ ربوعه معاطيش = على علومه بين ساكت وبشّاش
واليا مشى شيهانة ٍ ضفت الريش = والا كما برقٍ سرا يرعش ارعاش
لونه مثل لون السفر فالمغابيش = كنه وكنه ماااش ما اميّزه ماااش
يشفي غليل اللي وراء لقمة العيش = خلا اهله ماغير راسه وماحاش
عليه يالمندوب ما فالقسا ليش = دوك الكتاب ووجّهه ساحل الطاش
سّر الحديد ولا تعد التفاتيش = ل ابوي ذخر اللي من الوقت منّاش
اشوف في موجات الايام تشويش = والوضع ماش وراعي العقل منداش
اصبر واغض العين واقول معليش = والصبر ناقش مرّ كبدي بمنقاش
غيب الليالي ويش واللي حصل ويش = عمشا تجر بقرنها رجل عمّاش
الطيب يبقى فالعيال المداغيش = ومن يجحد المعروف لاش ٍ ولد لاش
وماء الوجه يردع من براسه نغاميش = والوقت غير الوقت لا اكه ولا باش
راحوا هل الردات والخيل والجيش = حمّاية الماقف متيهّت الادباش
اليوم في خير المزون المراهيش = راحه وامان وكل من عاش معتاش
وانا همومي سايقتني على الطيش = جاي ٍ لها فاقصى ضلوعي تخشخاش
عجزت افكك مبهمات المباليش = روابعي في ذمتي راحن اطشاش
وان غلقن كل الطرايق على الشيش = لا مرتعد قلبي ولا ضلوعي هشاش[/poem]
وسلامتكم
