الخط محظور

على اتصالي ما حصل مني قصور
كم مرتـن دقيـت مالقـى الأجابـه
يـرن جوالـه يمشينـي الــدور
مرات خراج تغطيـة مـن ردابـه
ومرات حولني على الخط محظور
ومرات يقـول ان الشبكـات مابـه
الزر الأخضر في يدي صار محفور
من كثر ما دقيـت حضـرة جنابـه
لي العذر لو قلت مانـي بمعـذور
وشلون تبغانـي اجـل طـق بابـه
لا والله ان يبطي وباقـول مشكـور
مادام رقمـي يتصـل مـا درابـه
ماني على طـرد المقفيـن مجبـور
كرامتي اكبـر علـي مـن ذهابـه
لاصرت انا طيب والاحوال مستور
اكبـر غنيمـه مـا بعدهـا طلابـه
خله يذوق الغبن ويمـوت مقهـور
ويضيق لا ضاقت عليـه الرحابـه
ياصاحبي يارعي العرف والشـور
يمرحبـا وعــداد فـتـاح بـابـه
اقلط على اللي حزة عصير منحور
وسوالفـن وشعـار تجلـى الكآبـه
في مجلسن قلو سوايـاه وحظـور
وخل راعي الجـوال يلبـس نقابـه
لا لا تعذرلـه تـرى ذاك مغـرور
واشكـال مثلـه فالخلايـق تشابـه
ارفع مقامك ياصحيبي عـن العـور
الاعور اعور لـو طريقـه قدابـه