* هرجة البن والهيل * !

أخر قصيده نظمها القلم أتمنى ترتقي للمستوى المطلوب ..

[poem=font="simplified arabic,5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
بين الدلال وبين ذيك المعاميل=دنيت من بيض الورق ما صفالي
هز الحنايا صوت رجف الفناجيل=لانه على نفسي عزيزن وغالي
وذكرت دن حجيلها والخلاخيل=لامن تهزع مشيها بالرمالي
يا قيس وإسمع هرجة البن والهيل=ومسامرة نار الحطب للدلالي
راع الهوى له مع سناها تعاليل=لا صار ما قلبه من الوجد خالي
وإسال ليال الجدي وش عقب سهيل ؟=غير الضمى وإسال عن الترف حالي
فرقا العيون الناعسات المذابيل=من خمرتن في كاس خده ثمالي
تسل حالي وأتبع الويل بالويل=وأنعى وصاله بالدموع الغوالي
وجدي عليه إنكان بالوجد تحصيل=وجد العجوز إللي جفوها العيالي
أو وجد حادي خيل قومه على الخيل=خلوه يومن جندلوه الرجالي
لا يا نديمي لا تلوم المهابيل=كود إن منهم ذاق مرّ الليالي
لا شحت إيدين الهوى بالمواصيل=يا قرب درب أهل الهوى للهبالي
وإللي قبالك مرتكي داوي الحيل=باقي على عهد الليال الخوالي
عشقن قديم مأملته المقابيل=غصونه ليان يلاعبن الشمالي
لو طالت الفرقا على ساهر الليل=عيا على صوت الجفا بالسؤالي
والسدره إللي ما جرف عرقها السيل=من عام للمتعوب فيها ظلالي
لليوم يرقب في فجوجه تساهيل=تسمح ويطويها حنين الرحالي[/poem]

/ سطام الشمري /

هز الحنايا صوت رجـف الفناجيـل
لانه على نفسـي عزيـزن وغالـي

ماشاء الله تبارك الله
ان شاء الله مايهز حناياك صوت البيانو والغيثار
بارك الله فيك القهوة والمعاميل والفناجيل من علامات الكرم وعلوم الرجال
وقع قصيدك شدني وماكل قصيد يهتويني
موفق بإذن الله ... لك مني أجمل تحية .
صح لسانك يابن الطنايا

لا شحت إيدين الهـوى بالمواصيـل

يا قرب درب أهل الهـوى للهبالـي

وإللي قبالـك مرتكـي داوي الحيـل

باقي علـى عهـد الليـال الخوالـي

صح لسانك وقلبك..

ولاهنت,,

قصيده رااائعه,,

الله يعطيك الف عافيه,,

لاعدمنا جديدك..

صح الله لسانك ياسطام قصيده في قمة الروعه

صح لسانك ياسطام


جزله ومن شاعر جزل


ونشتاق لجديدك

تحيتي لك

هلا وغلا با الغالي


صح قلبك وكلك يا بعدي


تحيه ع ـــطره

سطام الشمري

صح لساااااااااااااااانك

سلمت يمناك

سلام..

أستاذي ،، سطام الشمري

صح الله لسانك ولا هنت

قصيده في منتهى الجزاله

في أنتظار جديدك بفارق الصبر

تقديري وأحترامي

فمان الكريم

سلمت يمناك يا الاجودي

صحيت وصح لسانك يا الشاعر


جزله من الجزل

كلمات رائعه شاعرنا ..

صح لسانكـ ..