بنات لايفوتكم التماسيح في ليلة العيد

السلام عليكم ورحمة الله وبركاته


التماسيح في العيد!!!



خلونا نستـعرض اهم الاحـداث اللي تصـير للـشباب قبل العيـد و بعـده ..

1- عند الخـياط ..

لازم كل تمسـاح يستـلم ثوبـه الجـديد بليلة العيـد .. لان كل التمـاسيح يتذكرون انهم مافصلـوا مـلابس الا بـآخر لحظة.
.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا

تسلب وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط .
.
وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب
..
و مناحي منسدح من القهر على بطنه لان ثوب ولد عمه سلوم طلع اطول من ثوبه ..

واللي يشق راس الخياط بالمقص عشان سعر الفاتورة ...

واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ..
.
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..


2- في الحلاق..

تشوف الشباب صافين بالدور .. ((يذكروني بطابور مقصف الابتدائي ))..

(((((((((((بس من جد حالتهم تقطع القلب ..)))))))))))))

واحد يجره ابوه من كشته .. تقـول نعيمية ... ..واللي يبكي لان اخوه متعود يحلقه على الصفر ..ويقول له تكفى خل

لي خصلتين <<<< و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة

حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..

و ابوبندر ..بعد حيي والله جاي يصبغ هالشعرتين اللي براسه ..
..
...واللي يبسط بالحلاق للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..

واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط ..
واللي جاي يزرع
وما خفي اعظم ..


3-صباح العيد..

ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش

وعبدالمجيد يتهاوش مع منيرة اخته .. ويبي يتروش قبلها ...

وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..

و حمود يسطر منقاش ... لان منقاش لبس طاقيته المشخله بالغلط ..

واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

واللي تحرق الشغالة شماغه..

وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه و تسبح لربن خلقها .

واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..

واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم


هاوشته ومارضت تكوي له ثوب غيره <<والله شخصيات شغالتهم تشكله..!وغيره محتار ومايعرف يختار نسفة لشماغه ..

4-برى البيت..

سعيدان ..قائلا : اهبببببببببب يا محمد .. شف نوير بنت عمي اللي ماتستحي ..ماهيب لابسة سروال .. ومطلعتن

كراعينها ..وسعيدان يرد عليه ويقول له .. استح .. هي لابستن هيلاهوب بيج ...


و فيصل قاعد يحش بخلق الله مع خويه طلال .. ويقول له ::رحمت عقال بدر اللي حاشي فيه شمآغـة..اللي يشوفه

يقول شاريه من بسطه في الاحساء

وطلال يرد عليه و يقول له ترى بدر يهون عن صالح اللي كاشخ بثوب ابيض ثلجي .. لاحظ سرواله الاصفر لا مد

رجوله...
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
وبعد ماتصير الساعه 8 ...


تلاقي نص الشباب بالثمامة..هات يا تفحيط و تقحيص

... و الزحمة تصير عند شواية الخليج .
..
واللي يطلع القنص مع الاهل في وادي الدواسر والربع الخالي..

وياخذ معه عدة الصيد : وااللي تتكون من شوزن و بندق و خنجر..<<على بالهم رايحين حضرموت

واللي يبسط بالنعيريه ويأجر دبابات من عند المصري..

وبس



ولآ تزعـلون ياتماسيح

ههههههههههههههههه

مو غريبه على الشنبات هذي الاشياء,,..,,

الله يعطيك الف عافيه,

،

مغروره

شكراً

دمتي

،

هههههههههههههههههههه
ننتظررر جديدك
تقبلي مروري

ههههههههههههههههههههههههه ههه

ذولا التماسيح هذي حركااااااااتهم

يسلمووووووووووووووووو

ههههههههههههههههههههه

والله وجبتيها على الجرح


لا تنسين أنكم يالبنات عندكم مشاكل إذا قرب العيد

أخر أسبوع إلي قبل العيد مسنترين عند السوق 24 ساعة

تفطرون وتتغدون وتتعشون وتنامون بالسوق

حتى ليلة العيد السوق ما يسلم منكم

ليتكم ع الأقل تشترون إل يتحتاجونه وتخلصون

تجلسون ساعة في محل واحد أشتري ذا ولا الثاني ولا ش رياك يا فلانه في الثوب إلي وراه

عاد (فلانه) دائماً تعزز لك وتطيرك بالعجه
فلانه :: لالا هذا الثوب شفته قبل كذا بعدين سعره مو غالي وأكيد ماهو حلو عشان سعره

تفكير أليم تفكرون بالسعر ولا تفكرون بإلي يستر

وبعد هالحوسه والدوشة
وأنتم بالسيارة ما تخلون الهذره << قرقر ^_^
وعلى ما توصلون البيت

نص الفلوس ضايعه و تطب وحده منكم وتقول نسيت الكيسة إلي فيها ثوب العيد لكن مدري وين نسيته

عاد إلي موديكم للسوق تـأتش معه

و الخافي أعظم يعيد ويخليكم بالبيت خخخخخخ <<< نذاله طازززهع هع

هذا جزء بسيط رداً على ما كتبته



مع أطيب تحيه

الله يعطيك العافية مو غريبة على التماسيح
ابوي مسمي العيال الشواكيش اسم ثاني

شـكــ وبارك الله فيك ـــرا لك ... لك مني أجمل تحية .