** الله أنك صادز يا بو صالح **
أبو صالح و أبو راشد قاعدين يطالعون الأخبار في بلدتهم بريدة في القصيم.
أبوراشد - وش قاعد تفكر فيه يا بو صالح؟
أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.
- و الله أنك صادز (صادق) يا أبو صالح.
- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن والأحاديث.
- و الله أنك صادز يا أبو صالح.
- و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج.
- و الله أنك صادز ياأبو صالح.
- و موب بعد كل الخليج. ترى كل هالدول تسمح بالخمر و بالكنايس،الدين الصدز هو ديننا حنا يا أهل السعودية.
- و الله أنك صادز يا أبوصالح.
- بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم ويجلسون معهم و يضيفوهم. و أهل الجنوب مثل ما انت خابر عندهم بدع واجد. الدين الصدزهنيه عندنا في الوسطى و القصيم.
- و الله أنك صادز يا أبو صالح.
- بسترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيه ببريدة.
- و الله أنك صادز يا أبو صالح.
- بس بعد في بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيها و لا دش واحد.
- و الله أنك صادز يا أبوصالح.
- بس الله يهديهم جيراننا موب دايم تشوف عيالهم في المسجد، و لاتشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت.
- و الله أنك صادز يا أبو صالح.
-بس أشوفك يا بو راشد هالأيام ما تخشع زين في صلاة الفجر!!
رد: ** الله أنك صادز يا بو صالح **
ههههههههههههههه
ابي اعرف وش يحس به اذا قااال<<<صااادز....
الله يعطيك العافيه,,
رد: ** الله أنك صادز يا بو صالح **
رد: ** الله أنك صادز يا بو صالح **
ههههههههههههههههههههههههه هههههههههاي
والله انك صادز ياابوصالح:wink::wink:
رد: ** الله أنك صادز يا بو صالح **
رد: ** الله أنك صادز يا بو صالح **
ههههههههههههههههههههههههه ههههه
من جد هذ1 الحال
رومنصي
يعطيك العافيه
سلام..
رد: ** الله أنك صادز يا بو صالح **
رد: ** الله أنك صادز يا بو صالح **
ههههههههههههههههههههههههه ههههه
رجاء علقووووا على كل شي الا (صااادز)
رد: ** الله أنك صادز يا بو صالح **
رد: ** الله أنك صادز يا بو صالح **
وهو ماعنده الا ها الجمله ههههههههههههه
شكرا على موضوع ننتطر جديدك
رد: ** الله أنك صادز يا بو صالح **
