مطفي يستنجد

بسم الله الرحمن الرحيم
ياخواني انا سعودي قدر الله ونزل قرضي حق التنميه المهم
بلشت في مشكله لي اشهر وانا ثايره عجتي انا وم العيال
هي تقول خلها دور وشقه مشروكه مع الدور الي تحت وانا بس احالف طول النهار
وقول مشي خشمك مافيه ابي احطه شقتين والله لو تنقزين يم السماء
وانتم وشرايكم امشي على رايي او اميل مع ام العيال
بدون مجامله رجأ
((((( تنويه للبنات)))))
يابنات تراي مو كبير بس عندي خمسه اطفال اسئل الله ان يصلحهم
تراى بيني وبينكم هي خايفه من شي اسمه شقه من كثر ما اطلع عضلااتي وقول ابي احط الثانه في الشقه متدري اني يالله بس اقوم عماره وذا قومته ابيلي كم سنه وانا اطيح وقوم
يعني مستحيل اتزوج ثانيه

طيب يا مطفي اشعل الضوء الصفحة ظلما

اولاً انا مع ام العيال اذا عندك نية زواج من ثانيه
وان كان هدفك تسترزق بالشقة الثانية وتدر عليك وعليها وعلى اولادك فانا معك

صدقني فيه مثل يقول

يا ليتها بحمولها تقوم

لا تفكر في الثانية وانت عندك خمس ما شاءالله تبارك الله
الله يحفظهم لكم ويبارك لكم فيهم ويرزقكم برهم
خل النية صادقة معها لتطمئن وتوافق

قال الله تعالى في حديثه القدسي

انا ثالث الشريكين ما لم يخن احدهما واذا خانا خرجت من بينهما
والمرأة والرجل يعتبرون شركاء في شركة واحدة تحتاج الامانة في كل شيئ

اصدق انت بس في النية بالاستثمار وهي بتصدقك وتوافق باذن الله تعالى

الله يؤلف بينكم ويسعد ايامكم

&

مطفي النور

{{

ماعندي خبره بذا الامور . لكن أشوف أنك

تسوي دور و شقتين و ان قدرت تسوي ملحق

و لا شقه مسروق ع قولتهم يكون أفضل

للعائد المادي و ان بغيت تزوج و احد من عيالك

،

شاكر لك طرح قضيتك و أتمنى ان يأتي

من يفيدك

لا عدمناك

}}

منصـور

&

اخوي مطفي
اولا وقبل كل شيء لاتنسى الاستخارة
والله يكتب لك الخيرة
واذا انت ناوي تسترزق من الشقة فالله يوفقك ويسهل امروك
واذا ناوي على الثانية ماهو عيب ولا حرام والشرع حلل اربع لكن الله يسهل امرك
انت الحين عمر البيت وامن مستقبل عيالك
الله يوفقك

عساك على القوة

وسو اللي ينفعك مستقبلا وينفع عيالك

إذا المساحـة وسيعة والدور الأول مكفيكم مع نصف الثاني حط لك شقه سواء للثـانية .. أو تستثمرها مستقبلاً .!
الله يوفقك ويحفظ لك ذريتك ويجمع قلوبكم على قلب واحد .!
دمت بخير .!

مطفي النور ولع لا تصدم

انا اشوف ان ام العيال خايفه من الثانيه
لكن اذا انك تبي تستثمر الشقه او انك تستقبل اقاربك وقت الاجازات فمعك شقتين

اما اذا انها كذا فقط فلا مع ام العيال يا زين التوسعه وراحة البال

هذا رائي والله يعطيك العافيه

انا بصراحه مع ام العيال,,,

الدور احلى بكثير من الشقه<<حتى لو كانت ثنتين,,

والله يكتب لك اللي فيه الخير,,