السلام عليكم ورحمة الله وبركاته
طبعا عارفين انه زي أي بنت طبيعية ..لازم يطلع شعر في أماكن كثيرة ..
ومن ضمنها المنطقة اللي بين الشفايف والأنف ..
أول وأهم نقطة ..ما أحب كلمة “ما ابغى اشيل عشان ما يطلع أكثر ”
لأن هو اصلا كثير ! رح تنتظرينه يكثر؟ أكيد لأ خلاص إعتني بنفسك ما يضرك شيء..
روحة للمشغل كل ما طلع أو انتي عودي نفسك تشيلين الشعر الزائد ..
لازم المنطقة ما يكون فيها ولا شعرة وحدة !!! اوكي خلينا واقعيين شعرتين او ثلاث ومو باينة ..!!
حطي يدك فوق المنطقة وبأطراف أصابعك شوفي تقدرين تمسكين الشعر اذا تقدرين تمسكينه ع طول لازم تشيلينه ..
وكلها شغلة 10 دقائق بالكثيررررررررر ..
الوقت اللي تحطينه في نفسك لا تستخسرينه ابد ..يعني عندك وقت تاكلين ..وعندك وقت تتفرجين تلفزيون وتدخلين نت وعندك وقت تجلسين فاضية وما عندك شيء..بس ترجعين تقولين اخاف يطلع اكثر..! http://vb.eqla3.com/images/smilies/frown.gif
بليز بنات والله عشان مصلحتكم..! مافي أحلى من أنه وجهك أنثوي وانا عارفة تقدرين لو تبغين بس احيانا تجينا حالات العجز ..!
روحة المشغل كل اسبوع او اسبوعين او ساعة لنفسك في البيت اعتبريها واجب ما تنسينه وما رح ياخذ منك وقت ..!
حلو ..! اتفقنا ؟ اكيد اتفقنا ههههههههههه
الطـــرق :
* الليـــزر /
وهذه الطريقة جربتها شخصيا لوول ..11 جلسة الله وكيلكم سويتها من 2004 تقريبا واستمريت عليها لين بداية 2006
النتيجة …..خف الشعر لكن برضو موجود ..يعني سبب اني جربت الليزر كان وقتها مسووين صجة عليه وكذا وقلت يلا نجرب
واستمريت تقريبا مع 3 مراكز صحية وكنت وقتها خلاص 18 سنة وبديت احس بالانوثة لوووووول ولازم اصير بنوتة من بعد ما كنت عربجية ..وقبل ما اجرب الفتلة والحلاوة والشمع ..قلت ادخل في العميق ع طول ونجرب الليزر ..!
ما كان ذاك الشيء الكثير والبشع بس كان موجود وملاحظ ..! وكان لازم ينشال ..اللحين زي ما قلت خف ويمكن يطول لين يطلع
يعني نقول ممكن اجلس من اسبوعين لثلاثة اسابيع قبل ما اروح المشغل ..خلال الاسبوع الثالث ابدأ الاحظ انه صفاء وجهي
تغير وأحس في المنطقة شعر ..أبدأ اقرب من المراية وألاحظه وفي نهاية الاسبوع الثالث أبدأ اشوفه واضح
وسبحان الله على سنة 2007 ..أتفاجأ بخبر زي الصاعقة ..((الليزر ما يشيل الوبر ))..يا إلهي لوووووووووووول
والشعر اللي في منطقة اعلى الشفايف يعد من الوبر ..!! ومهما صار ومهما حصل الشعر لازم يرجع ..
مافي شيء اسمه ليزر للأبد حده خمس سنوات يمكن 7 اذا كان شعرك من النوع اللي يتقبل الليزر ..!
يقول لك كل ما زادت الشعرة ثخانة كل ما كانت اكثر تقبل لليزر والله اعلم ..لوول ..
* الحلاوة /
هي عبارة عن سكر وموية بكل بساطة ..! تكون بعلبة بكيسة بتنكة اللي هي فيه ..
نحاول نحطها في موية حارة وهي بداخل العلبة اوكيشن ..! عشان تفك مع الحرارة وتلين شوية ..
بعدها طلعي الجزء اللي يكفيكي وإلعبي فيها ومطييييييييييييها ورجعيها ومطييييييييييها مرة ثانية ورجعيها لووول ..
عشان تلين اكثر وتكتسب الحرارة من يدك يمكن لو اظافرك طويلة رح تعانين معها ورح تتعبك مرة الأفضل ما تكون اظافرك طويلة ..
المهم بعدها بتلاحظين لونها نوعا ما تغير ..او يمكن بعضها ما يتغير اللون بس رح تحسين فيها لينة مو مرة عاد ..
بس فيها لين اكثر مقارنة بكيف كانت في العلبة ..
طبعا تكونين شلتي اي مكياج واي كريم كانت ع منطقة اعلى الشفايف عشان ما تزلق مع الحلاوة ..
وتذكري شيء مهم (( الشعر في منطقة اعلى الشفايف ينمو في 3 اتجاهات ..! الجانب الأيمن على اليمين , و الجانب الأيسر على اليسار , و اما المنطقة الوسطى بيكون إتجاه نمو الشعر للأسفل ))
إحنا لما نفرد الحلاوة على المنطقة بيكون بعكس نمو الشعر ونفس الطريقة لما نجي نشيل الحلاوة بحط طرف إصبعي عند نهاية مسار (عكس نمو الشعر) وأشيلها عكس نمو الشعر حلووو ان شاء الله تكون واضحة ..
يمكن ما تروح من اول مرة وهذا الشيء يحصل نادرًا عشان كذا عيدي عليها ..يا احنا يا هذا الشعر لووول ..
وبس زي ما قلنا راعي اتجاهات نمو الشعر وإعكسي عليها عشان تنشال بسرعة ..
تنبيه مهم : ممكن في ناس تتحسس من الحلاوة ويقال ان الحلاوة تسبب الترهل بسبب تكرار عملية الفرد والشد والإزالة لذا يمكن في ناس بشرتهم ما تساعدهم في هالموضوع من ناحية الحلاوة ويقدرون يتجهون للخيارات الثانية ..
* الفتــلة ; الخيـط /
وهذه عبارة عن خيط ونتخيل الخيط على شكل مثلث ونحطه على المنطقة ونحصر الشعر عند زاوية معينة من هالمثلث ورح يروح الشعر ..وهذه الطريقة اللي أفضلها بصراحة لأنه مافي إحتكاك الحلاوة بالبشرة كامل ومحصورة حركاتها في الشعر ..
ما قد شفت احد يستخدمها بنفسه ..دايم اشوف المشاغل هم يسوونها لأن حركتها صعبة شوي ..مدري اذا في احد بيشوف الموضوع وعارفة كيف تستخدمها من نفسها ياليت تساعدنا ونضيف على الموضوع ..!
طبعا اول شيء رح تحط بودة على المنطقة وبعدها يبدأ الخيط يتحرك في كل الإتجاهات لووول لين يروح الشعر ..
مؤلمة صحيح بس يقولون الجمال له ثمنه وانا اشوف ثمنه بسيط مقابل اللي نحصل عليه ..
والألم بعد فترة يخف لأنك تتعودين عليه وماهو ذاك الألم اللي تجلسين تتصرعين في الأرض من قوته ..
عادي عينك رح تدمع شوي وتضغطين على نفسك عشان ما تتحركين ..
بعدها في كل الطرق حلاوة وغيره وفتلة ..بعد ما تخلصين حطي كريم تخدير بسيط للألم او مهديء لتهيج البشرة لأن ممكن تحمر المنطقة بس (اتز اوكي) مع الكريم تروح ..عندك مثلا كريم اسمه fucidin او يسمونه كريم الاسد لوووول عشان الصورة اللي عليه انا كذا اسميه بس دورت لكم ع اسمه لوول ..وهذه صورته
http://uturnfashion.com/wp-content/fucidin_krem_k.jpg
اتوقع موجود في كل بيت ..
تنبيه مهم : بعض انواع البشرة ممكن تتحسس من الفتلة وله أسبابه ممكن خيط المشغل ما يكون نظيف ..! تأكدي من أنه الخيط جديد وما إستعمل و انه نظيف ..! وبعضهم يطلع له حبوب بعد ما يشيلون الفتلة لأنه ما يستخدمون الكريم لتهدئة التهيج وممكن بشرتهم جدا حساسة ..!
* الشمع /
نفس الحلاوة اللهم ما يشيل الجلد الميت ..وعملية تطبيقه مختلفة …
لازم يكون ساخن نوعا ما ..ويجي معه زي قطع احطها فوقه واشيل الشمع عشان يروح معه الشعر ..!
إنتبهي في حاجة مهمة انه بعض المشاغل تخيلوا يستخدمون لك نفس القطعة لكل شخص يجيهم ..! تخيلوا انواع الجراثيم والامراض الجلدية ..! مع العلم انه حتى وانتي في بيتك القطع هذي ارميها مع كل إستعمال ..او مو هو الشمع يجي في زي الحافظة له ..المهم القطعة اللي تطلع الشمع منها وتحطها على جسمك تكون استعملتها مع احد ثاني وهنا تجي الامراض الجلدية والجراثيم ..! هي في زي الاصابع او الاعمدة اللي تستعمل مع كل إستخدام للشمع عشان تدخلينه بداخل العلبة وتفردينه على الجلد وبعدين تاخذين القطعة وتحطينها على الجلد ونشيل بعكس نمو الشعر ..!
واحلى شي في الشمع ( سريع جدا ) ما ياخذ الوقت اللي تاخذه الحلاوة ولكن يقولون انه الحرارة اللي فيه ممكن تساعد على الترهل اللي ذكرناه في احلاوة ..يبقى عليكي الجلد الميت يروح بالتقشير ..
حل بديل : طيب فرضا ما عندي الكريم اللي احطه بعد الازالة عشان يهديء البشرة وش اسوي ..!!
بكل بساطة هاتي ثلج و منشفة باردة وحطيهم فوق جلدك عشان يهدأ ..!
http://uturnfashion.com/wp-content/sat_mag_198490a.jpg
* التشقير /
وهذه طريقة موجودة ..بس مشكلتها انه لو شعرك كثير رح يبان مرة التشقير بيطلع شيء أصفر ..!
واذا على الوقت ما تختلف عن الفتلة والحلاوة والشمع ..لأن الشعر رح يرجع يطلع ..!
يعني هذا الحل نخليه اخر حل يكون متوفر قدامك بس لا يصير حلك الوحيد ..بالنسبة لطريقة التشقير..بصراحة وعشان أكون امينة ..لوووول ما اعرف اشقر اروح للمشغل فما اعرف بالضبط كيف ممكن الواحد يشقر فياليت اي وحدة عندها فكرة تقول لي..بس اعرف انه مهم تحطين قبل التشقير فازلين ..! عشان ما تتهيج المنطقة وتوجعك ..! وبعدين يجلس على منطقة أعلى الشفايف 10 دقائق تقريبا ..! وإنحلت المشكلة ..
ولكن زي ما قلت أفضل يكون حلك الأخير لأنه بكذا ما شلنا الشعر وما استفدنا ..زي ما قلت مرروا اصابعكم وحاولوا تمسكون الشعر بأطراف الاصابع وشوفوا في شعر أو لأ ..اذا فيه ما أفضل حل التشقير ابدا ..
* الموس ; الحلق /
صح قلت التشقير ما أفضله هنا اقول ابدااااااااااااااا لا تسوينها !! ولا تفكرين في الموضوع مجرد تفكير ..!
إنتبهي ..! اول شيء يسبب سواد للمنطقة ويمكن المنطقة يطلع لونها اخضر
<كله وربي من الموس..
اذا سبق واستخدمتي الموس ..إستخدمي الحلاوة عشان تخفف من ثخانة الشعرة وترجع الشعرة خفيفة ..!
وبعدين بالنسبة للسواد في كريمات كثيرررررررة تبيض منطقة أعلى الشفايف ..انا ما رح اقول لك خلطات لأنه يمكن تضبط ويمكن ما تضبط والله اعلم لكن رح اقول زيارة لدكتورة جلدية تفيدك ..!
كل بشرة تختلف وش ينفع لها ..انا يمكن ينفع معي الليمون وفي ناس ما ينفع لهم سبحان الله تتحسس بشرتهم ..!
في خلطات طبيعية للتقشير وكذا هذه عادي تحطينها على جسمك لأنه مافيكي شيء مجرد تساعدك في تفتيح لون بشرتك ..
بس سواد جا من الحلاقة او كذا لابد يكون البكتيريا او ما رح اتفلسف لأنه دكتورة الجلدية رح تعرف اكثر ..وتاخذين منه شيء يبيض المنطقة على حسب نوع بشرتك …!! وعادي جدا لو كنتي تستعملينها ..! لأنه بيدك تصلحين اللي صار …بحلاوة وبفتلة وشمع ..الحمد الله عندنا طرق كثيرة وبالنسبة للتبيض ما ياخذ معك شهرين الا تشوفين النتائج بعينك وصدقيني بتحسين بشرتك احسن من اول بكثيرررررررر ..
منقول للإستفادة .. :11_daisy:
