والخصر لا منّه مشى مال منسوق.. لجله تقوم الحرب ساق(ن) على ساق

أسعد الله مسائكم ...صباحكم بكل خير
جديدي بين أياديكم
.
.
[poem=font="simplified arabic,7,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شفت السحايب عانقت برق ورعود=والغيث من عقب اللقا هل رقراق
لحظة بزوغ الفجر في ساعة شروق=عند انتشار النور من عتم الآفاق
وقفت ساعتها من الضيق مخنوق=أعكس جمال الكون في سود الاحداق
ألِدّ منها الطرف وابوقها بوق=واغض طرفي وارجع آلِدّ تواق
سحر الطبيعه ساقت الفكر برفوق=لسنين طافت بعثرت كل الاوراق
ساقتني أيامٍ خلت يمها سوق=مابين حل وربط نسيان وأشواق
يمك دعاني سالف العهد والشوق=جيتك وانا لــهل الوفا دوم سباق
جيتك لأنك غير عن كل مخلوق=كامل وصايف حسن واحساس واخلاق
بينك وبين الخلق ميزات وفروق=اوصاف حسنك ضاربه كل الاسواق
طبعك هدوئك ضحتك كلها ذوق=ترضي بطبعك يالغلا كل الاذواق
لك وصف نادر بالحلا دوم مرموق=جمعت من زين النسا كل ما لاق
دعج العيون إن سلهمت تخطف الموق=محيط وكنوزه توارى بالاعماق
والسحر يجتاحك إذا قال منطوق=لا من تكلم تلتفت كل الأعناق
والطرف ناعس لا نظر ضي وشعوق=تقول صابه مالغنج سهد وارهاق
وحمرة شفاته خمر من صنف معتوق=من ذاق سكرتها حشى يوم ما فاق
والجيد لا فله على الردف معتوق=ما طاق متنه يحمل الجيد ما طاق
والخصر لا منه مشى مال منسوق=لجله تقوم الحرب ساقٍ على ساق
رزته ما تنزل كذا ترتقي فوق=بيرق جماله عاليٍ دوم خفاق
مشيته مشيت ضبي والعنق مفهوق=وعيون صقر وطلته طير رقراق
يا اجمل زموز الشعر يا طير غرنوق=إلا حمام الود من نوع سراق
تعبت اردد كل مطرود ملحوق=تعبت اجامل وانت محرقني إحراق
ارجع بربك فالزمن عاقني عوق=قبل المنيه تختطف تالي ارماق[/poem]

وسلامتكم
تحياتي وتقديري للجميع
عبد الرحمن الشهري

عبدالرحمن الشهري



صح الله لسانك ولا هنت


قصيده بمنتهى الجزاله والروعه


لك مني التقدير والاحترام


فمان الكريم

عبد الرحمن الشهري

صح قلبك وكلك

وسلمت اناملك


تحيتي لك

رائعة بحس مرهف
سلمت ودمت شاعرنا للأعذب ..

صح لسانك ياشاعر

جزاك الله خير بتنبيهي بالرساله

شكلي مكثر من حليب المغاتير البارح هههههه

سكرة حليب ههههههههه اقولك صح لساانك واعترف لك بالجزاله

كنت فاتح صفحتين على شان ارد اكثر الي عليه النقد قلت جزله والي جزله قلت انتبه

اقول تراني في وجهك من المشعاب تراكم قبيله تهابها كل قبيله والسموحه ونا اخوك على الالتباس

عساني ما اسممع بيومك وهذا اعتذاااااااااااااار قدام الخلق


وصح صح لساااااااااانك لين ترضى

,,,
عبدالرحمن الشهري



صح لسانك وقلبك ملايين


ارق تحية


ود,,