محاورة بخصوص صرف النظر عن الفروقات

النايف
سلام من شاعر يعرف المثايل
......................... وانتم رجالن شيدت كل بنيان
العابر
يامرحبا يااللي تقول الجزايل
.........................وماتاه من خاوا له انسان ذيبان

النايف
الوضع قاصي والغصن في تمايل
..........................راحت حقوق الناس والكل زعلان

العابر
الكل اصبح في نهاره يخايل
............. .....................يترقب بجوّه سحايب وهتان
النايف
الجو صافي شوف شمس القوايل
..........................والارض جفت واصبح العود ذبلان

العابر

حسبي على اللي عن أملنا تحايل
..................................واصبح املنا بين يمكن وشتان
النايف
كبرت يدين اهل الحسد والهوايل
......................... واللي بقى كذبن وزيفن وبهتان
العابر
الحق واضح للعرب بالدلايل
.......................وتسويفهم ياخوك تسويف شيطان

النايف

عطني حلول الحل والوضع طايل
.................... واحسب حساب الوقت لابان ما بان

العابر

الصبر زين وطابع الشك زايل
..........................ولاضاع حقن خلفه رجال شجعان

النايف

سيف العدل ياصاح للحق نايل
...........................والسيف طاح وضاع حقك وماكان
العابر
ماحدن معارض ولاني اليوم قايل
...................بنسى حقوقي لو غشى الناس نسيان

حسبي على اللي عن أملنا تحايل
..................................واصبح املنا بين يمكن وشتان


صدق والله


صح لسانك والسنتهم


تحيتي لك

صح لسانك يارجال
تقبل مروري

أبوعبدالرحمن


نورت الموضوع


شكرا لقلبك

صح بدنك



شكرا لتواجدكِ