افرح بشوف الضيف و الله يحييه:: افرح بشوف الاصدقاء والجماعه
احب قول الصدق واعـز راعيـه :: احب من كان الكرم مـن طباعـه
واحب قول الشعر وانضم قوافيـه:: واحب شوف البدر يصطع شعاعه
واحب مدح الجيد لاجبـت طاريـه ::وافخر بلابه في المواقف شجاعـه
واحب من يدلي بهرجـه ويوفيـه:: ويكف عن هرج القفاء والاشاعـه
يعز جاره واقف (ن) في معانيـه ::لاقد عزاه الجيـد شمـر ذراعـه
يفزع مع المحتـاج مالـه يزكيـه ::هذا الذي يخـاف ربـه وطاعـه
واحب مجلس فيه شيبان تحييـه ::تنهل من الحكمه بفـن وبراعـه
تزرع جذور الود لجيـال تجنيـه ::خذوا من الدنيـا كنـوز القناعـه
لاشان وجه الوقت ماعولـو فيـه:: ماحد ورى المردود يرجا طماعـه
واحب من يضهر على السر يخفيه:: واحب من صان العهـد ولوداعـه
واحب من يخدم رفيقـه ويفديـه ::واحب من ينفق بوقـت المجاعـه
