نوح الحمام

هذه مجاراة للأخت شاعرة نجد



يا زين نوح الحمام وزين وقت المغيب
للي سمع نوحها وغني علي رد ونها
تسجع ونسمع ولا ضنيت هذا غريب
يــوم الـهواوي يبان الـحزن بعيونها
يا نجد وان مرني صوت وسمعته اجيب
ما لي علي بعدها صبر(ن) ولا دونها
يصيح في داخلي جرح غوير وعطيب
ليــا سمعت الحمـامه جرت لـحونها
وان كان جرحك دمى مافاد فيه الطبيب
وش حيلتي في جروح(ن) ماتحسونها
سود الليالي سرت واسترسلت با لنصيب
والحظ معهــا سرا يـو ما تصـيبونها
ياغربتي في زمان غاب فيه الحبيب
ولقيت نفسي وحيده في وسع كونها
احمل همومي علي راسي وقلبي صويب
واضحك مع الناس ماودي يعرفونها
واليوم صحيتي بروحي هبوب اللهيب
وجمــعت قافي عزا للـي يغنــونهـــا