بسم الله الرحمن الرحيم
الغياب كثير والإنقطاع بسبب الظروف المتواصله وليس هناك مجال للأعذار ولكن العشم بقلوبكم النقيه ..متواضعه علها تلامس القليل من شموخ ذائقتكم الجميله ...
( عصر الثقافه )
[poem=font=",6,darkred,bold,normal" bkcolor="transparent" bkimage="" border="outset,5," type=2 line=0 align=center use=ex num="0,black""]
مشكله لاصرت في عصر الثقافه = وانت هايم في غلا بنتٍ شقيه
همها التاريخ وانباء الصحافه = والتفلسف بالحروف الأبجديه
تشتكي من مجتمع فيه السخافه = تنتشر مثل الضياء بين البريه
واتكلم عن عرب فيهم لقافه = يتبعون الغرب بعقولٍ غبيه
مالهم غير التمني والكسافه = والتعاسه بالليالي الجرهديه
واتحدث كيف سقراط وخلافه = من فلاسفة العصور الجاهليه
همهم نشر الفضيله واحترافه = بين شبان الشعوب العنجهيه
وكيف سيدنا عمر وقت الخلافه = نام وعينه بالعدل صارت هنيه
وليه بدلنا التمر باكل الكنافه = وكل واحد يمتهن مهنة خويه
وليه فينا ذا الهزل صار بكثافه = وليه نرضخ للغات الأجنبيه
وليه ليه وليه صارت هالمسافه = بيننا وبين الشعوب العالميه
قلت بسك مابها الدنيا حسافه = وشلنا واهل العقول المخمليه
اسمعي قلب المعنى واعترافه = شاعرٍ عاش الهوى من دون نيه
ياحلاة الكون ياغنج ولطافه = ياجمال الغيم ياورده نديه
صدقيني هالتصنع والكلافه = مالها عندي محل يالاجوديه
خلي عنك الفلسفه يااحلى خرافه = ساكنه بين الضلوع العنجهيه
اجمعي شتات شاعر من خلافه = ضاع عمر ينتظر اغلى هديه
شاعرك عاش الحزن والهم شافه = وعايش بغربال دنيانا الدنيه
مل وهمه استكن داخل شغافه = وبات ليله ينتظر منك عطيه
لملميه وحضنك الدافي لحافه = وعيشيه بوسط عينك ياشقيه[/poem]
