حل الفراق وحن رايم لمريوم

السلام عليكم ورحمة الله وبركاته

رائعة من روائع الشاعر : ابن سبيل

[poem=font="af_najed,5,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]


حل الفراق وحن رايم لمريوم=وقوى الفراق اللي كبار دفوفه
أمسيت أنا عيني حريبٍ لها النوم=كن الأداوي بالنظير محذوفه
أبكي بكا ورعٍ يتيم ٍ و مفطوم=عاجاه غير أمه وكثرت صدوفه
غديت مثل اللي بمسراه منجوم=مني معاليق الضمير مخطوفه
ونفسي غدت لاهيب منٍ ولاسوم=وجسمي نحل كن السعاير بجوفه
والقلب جارٍ له سواميح وهموم=ومن القرادة كل طاري يلوفه
على الذي جاني منه رد وعلوم=شرهٍ علي اللي جميلٍ وصوفه
وله الشره لوكان ماجيت مثلوم=أصبر على عجفاه لجل معروفه
لو بين الغيظه فأنا منه ما أشوم=لين اتعذر منه وأجلى الحسوفه
حقٍ على رادع شفاياه برقوم=يروف بي وأنا بحال المروفه
وحقه علي إلى هرجت أبعد الحوم=أغضي ولاكني مع الناس أشوفه
أنا الذي ياما تمناه من يوم=وهو الذي نفسه لغيري عيوفه
إن مت قبله قال لي : زيد مرحوم=وإن مات قبلي ما الحياة مخلوفه
كن اللوالي بين أشافيه منظوم=أو ضيق وبل محلتم في قنوفه
والعين عين اللي على رأس ملموم=ماجيب له من كل نسرٍ علوفه
حرش المناكب لأبرق الريش صيروم=حرٍ ملك موت الحباري كفوفه
أبو نهيدٍ في حشى الصدر مزموم=بيض الحمام اللي رفاع قيوفه
هافي حشا كنه عن الزاد محروم=والثوب يشكي مانبا من ردوفه
والزين في مقرن حجاجيه مرشوم=رشمة مهر شيخٍ شبع في مضوفه
ياجاعل موت المخاليق محتوم=قرب مداهيل العنود الهنوفه
[/poem]

عبد الله بن حمود بن سبيل

؛

سليمان اشكر اختيارك المميز :)


.

نقل موفق

بارك الله فيك

اقتباس:

---

المشاركة الأصلية كتبت بواسطة يُتم

؛

سليمان اشكر اختيارك المميز :)


.

---

شـكــ وبارك الله فيك ـــرا لك ... و وفقك

اقتباس:

---

المشاركة الأصلية كتبت بواسطة اشتقت لأيامك

نقل موفق

بارك الله فيك

---

شـكــ وبارك الله فيك ـــرا لك ...

الذويخ

نقل شي

يعطيك العافيه استاز

سلام..