هذا الزمن ماضن يعرف حموله؟؟

سألتني وتقول ياهيه من وين

وبجاوبك من دون رد العموله
يابنت انا من قوم ناس(ن)عزيزين
ناس(ن) مضت بالنصر صوله وجوله
يوم انها بالرمح يابنت تدرين
حنا لها بافعال عز وبطوله
عيال وايل ذروت المجد باقين
شالو ثقيل الحمل يوم ارتكوله
كم خلد التاريخ فعل الشجيعين
ذاك الشجاع عقاب خلد فعوله
والسالفه يابنت واحد من اثنين
من جورها من هولها ياخجوله
هذا زمان اللي رصيده ملايين
في وقت مايرحم ولابه سهوله
لوكنت من وايل كعام المعادين
هذا الزمن ماض(ن) يعرف حموله
من كان ماله مال ماله عناوين
اقولها والحق لازم نقوله
الله خلقني كايناً كان من طين
طيب وطيبي ينتمي له رجوله
يابنت انا مليت فعل الرديين
والطيب ماله باب سكر اقفوله
ياواهج الخدين ياواسع العين
انا الذي يمناه ماهي مغلوله
حاولت اقابل بالزعامه سلاطين
لكن حسافه من تهاوت حلوله
الواسطه يابنت نجوت غريقين
وانا الغريق بعرض بحره وطوله
انا الذي والدمع سايل من سنين
حزن والم وعيون ياهي مغسوله
الحظ خايب والقرابه بعيدين
ويلعنك ياحض(ن) تزايد ميوله
لامن تجاره تلهي النفس وتعين
ولامن رصيداً تشتهر به فعوله
عجزت اميز بين سالم ونسرين
بين النسا واشباه بعض الرجوله
شفت العجب راوي من القبح والشين
خلق(ن) يصنف من حضاره جهوله
يالترف وقتي مايبي له مساكين
يبغى له ارجال(ن) تسجل بطوله
اما حياة الذيب ضمن السعيدين
والاحياة الفقر تمضي فصوله
هذي خلاصه والخلاصه براهين
سجلتها والحرف ينزف هطوله

صح لسانك والله يسعدك

الطير الجريح كل الشكر لمرورك الكريم

[rainbow]
صح لسانك
[/rainbow]

كل الشكر لمرورك الكريم ولاهنتي

صح لسآآآنك يامبدع

ولاهنت ع القصيد

طيف كل الشكر يالغاليه على مرورك الكريم لاهنتي طال عمرك