ذكور لكنهم ليسوا رجال !!!!!!!

http://www.7rkt.at/uploader/uploads/eee3cbf167.gif

عَنْ أُمِّ الْمُؤْمِنِينَ عَائِشَةَ رَضِيَ اللَّهُ تَعَالَى عَنْهَا قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي) أَخْرَجَهُ التِّرْمِذِيُّ.

في البدايـه أحب أذكر مقوله مؤمن بها .. وهي [ ليس كـل ذكر رجل لكن كـل رجل ذكر ]

تدرون عاد ..!

صرت أول لا أنظر للرجال أنظر لتعامله مع أهله ..!!

لأننا أصبحنا نقرأ ونسمع ..[ المصايب ] لناس ظنينا إن مافيه أزين من معاملتهم لأهلهم ؛ لأن الطاغي على السطح يقول إن معاملتهم للناس وخدمتهم لهم ممتازه ؛ لكن يوم نشوف حالهم نبصم إن مافيه أردى من معاملتهم لأهلهم ..!!

- فيـه واحد من الربع جالس يسولف لخوياه يقولهم .. [ الثانيـه جايه في الطريق ]

قالو له يافلان : طيب أم العيال وين بتروح !!

رد وقال لين أصغر العيال يوصل لـ 8 سنين بعدها برسلها لبيت أهلها

<<<( يبيهم يوصلون لسنهم الثامن حتي مايحق لأمهم إنها تطالب بحضانتهم , على حسب قوله !! )

مثل هالآدمي نقول عليه رجال .. ؟

- شخص ليل نهار حابس أم عياله في البيت , يعاملها أشين معامله

خارج البيت مايسمعون غير بالعزايم إلي يسويها هالكريم من ذبح التيوس وغيره , وفي البيت مايشوفون منه شيء ..!!

عند ام عياله , كل دقيقه والثانيه ساب في أهلها وشاتم قرايبها .

مثل هالآدمي نقول عليه رجال .. ؟

- زوج أول ماتزوج مافيه أزين منه , قام ياخذ من راتب حرمته ويخليها تساعده في [ أقساط السياره , بناء العماره , مقاضي البيت , .... ]

بعد كم سنه , تزوج عليها ورماها عند عيالها .

مثل هالآدمي نقول عليه رجال .. ؟

ونسمع ونقرأ كثير مثل هالمواقف وأردى .. الله يكون بالعون ويصبر الأهل !!

هل هؤلاء هم رجال بمعني الكلمة ؟

إذاً ماهو معنى الرجولة الحقَّة في نظركم ؟

هل لساننا يعجز أن يقول لأحد من هؤلاء الرجال [رجلا] ؟

هل المرجلة تقاس بالأفعال ؟ أم بالعضلات والشخصية ؟

موضوع عجبني ونقلته

افا وين الردود دئلت:weeping:

صححححححححح لسانك
وياكثررررررر منهم على هذه الشاكلة

نسأل الله العافية والسلااااااااااامة

ياكثرهم هالشكل في المجتمع الله يحمينا ولا يبلنا وفية شئ ما سمعتوة عنهم خلنا ساكتين الرجال اشكال والوان قليل الي معدنة غالي