البارحه نومي من العين مسروق

بسم الله الرحمن الرحيم
السلام عليكم ورحمة الله وبركاته
كيف حالكم إن شاء الله دائما بخير ؟
ـــــــــــــــــــــــــ ـــــــــــــــــــــــــ ــــــــــــ
البارحه نومي من العين مسروق
وكبدي من الحسرات فيها اشتعاله
واون ونة من لبس حاله العوق
عقب المعزه صار يفداك حااااااله
رجل تسمى بالمراجل وله ذوق
عليه من وصف الشجاعه كماااله
تجمعوا حوله كما لفت الطوووق
ذولا بني عـــــمه وذولا خوااااااله
من بينهم دايم له رعود وبرووق
في مجلسه تسمع تصافق دلاااااله
قوي باس ولا يجابه بمنطوووق
للطائي اشبه بالكرم والجزاااااااله
المال والا الهرم جاله يسـوق
سود الليالي ضيعت له حلاااااااله
صارو يشيلونه كما شىء ملفوق
كلن يـــزفـه يــم غــــيره زفااااله
ودموع عينه فوق الاوجان منشووق
ماعاد في دنياه شي (ن) هنـــا لـه
ضعفا (ن) عقب قوه وبعياله عقوق
وااااعزتي له عقب ماااكان حاااله
واون ونه من براحاله الشوق
غرقان في بحر الهوى وانشغاااااله
ليله من الهوجاس والسهر منتوق
له صاحب(ن) ماحس باللي جرااااله
عمري على العشرين عشر(ن) بلا لوق
ياما غدا لي في سنين الجهااااااله
وهمي بكبر طويق بالصدر مطبوق
ماعاد لي صبر(ن) يطيق احتمااله
امني الايـــــــام بالمقبل فروووق
وان استوت لي ساعة(ن)مااستواله
ياللي ملكت الروح ملك(ن)بلا حقوق
وش ذنبـــــــــها تجمع عليها الحثاااله
اخفيت حبك عن حسد كل مخلوق
وغـــــــدرت بي يامنوتي في عُـجاااله
كنت ارفعك من دونهم دايم(ن) فوق
واثـــــــرك على ماقيل مانت بحلاااله
ياليت باللي صار لو شي مليوق
ومافــــــــــاتنا نلقاه ليا اقفا قبااااااله
عيني تهل الدمع والقلب محروق
والكبد فيــــــــــها من السعاير شعاله
ياسامعي والدرب به عدت فروق
إن تهت فيــــــــــــما قيــــل خلك بحاله
لاتنشد الخافي وانا النوم مسروق
الله حسيبي كل ماجا مجـــــــــــــــــاله
ـــــــــــــــــــــــــ ــــــــــــــ
محبتكم: الؤلؤه