المشاركة الأصلية كتبت بواسطة خالد الجعيدان السبيعي
[poem=font=",6,,normal,normal" bkcolor="transparent" bkimage="http://www.g111g.com/vb/mwaextraedit2/backgrounds/141.gif" border="none,4," type=1 line=0 align=center use=ex num="0,black""]
تعبت من دنيا كثير ٍ مشاكله =شاب الشعر والعمر توه باوايله
ومليت من ديره انا ماني منّها =لكن ظروف الوقت تفرض فعايله
يا ديرة ٍ ما به سوى الضيق والكدر =ما اسكنك لولا ظروف ٍ اجامله
يا ديرة ٍ مالي بها اهل واقربا =كني غصن قصه القدر من اصايله
واضحى وحيد ٍ دون ساقي بغربته =لين الجفا قشع قشوره بقوايله
اروح وارجع بس ما طاب خاطري =دامي بهالديره فهمومي مطاوله
ما ريدها لو تعرض قصور لي بها =ومبناها الماس ولي عروش داخله
ما ريد غير اللي سكنته من الصغر =حتى ولو ما فيه ما واكل ٍ آكله
ومن لامني لو كان هالوضع عايشه =كان اصبح التقدير باحدى خصايله
ثم اعتذر مني بعذر ٍ معه ندم =مير الجمر ما يحس به غير حامله
كلن لمصلحته سرى ولا هو بي درى =بنفس ٍ انانية عن الحق مايله
ما فيه قلب يحس باللي احس به =ما غير طير ٍ قد بكا من شكاي له
لكن بكاه بدون دمع ٍ ينــــــثّره =وانا دموعي غرقتني همــــــــايله
ياليت لي جنحان مثله يصير لي =وآطير من هم ٍ سجنت بمعاقله
يا طير خذني فوق ريشك وودني =لديار ما غابت بطيفي منازله
او ارسل اشواقي لها مع لهايبه =وطالبك ترجع لي بنسمة خمايله
يالله انا طالبك تفتح لي الفرج =مالي اله الا انت ارفع دعاي له
[/poem]
