-
ياكبر جرحي العام
[align=center]صباحكم رضا وسرور جميعاً بإذن الله
تعجز العبارات 000 ويتشتت الالهام 000 وتقف الاقلام في محراب الصمت 000 وتتوه اجمل الكلمات عندما نريد أن نعبر بها عن عزيز
متواضعة لاتصل الى مستوى صاحبها 00 ولكن أبى قلمي الا ان يخطها لكم فتقبلوها بما فيها 00 وتقبلو تحيااتي [/align]
[poem=font="Simplified Arabic,4,white,bold,normal" bkcolor="transparent" bkimage="backgrounds/28.gif" border="outset,4,gray" type=1 line=0 align=center use=ex num="0,black"]
العام مرّ وياكبر جرحي العام=العام حزني ماتطيقه ضلوعي
من يوم راح وخاطري حيل منضام=مومن بحكم الله ولاني جزوعي
ان جيت أبكتب فيه طير الفكر حام=يجيبها هزلة ولا سدّ جوعي
الحبر دمعي والهدب اصدق اقلام=لاسال منها الحبر ماهو بطوعي
يرسم على خدّ الشقا كل الآلام=واللّي بوسط القلب شي ٍ يروعي
كنّي صغير السّن في ساعة فطام=يوم افتقد لامّه وشوفه يلوعي
اشرب فناجيل الحزن طول الايام=والهم في عمري بدال القدوعي
راح الذي عن كلّ نقص وردا شام=يعزّ نفسه عن خبيث الطّبوعي
اللّي في صدر المرجله صاير وسام=ماله ابد بين المخاليق نوعي
يفقدْه أهله وخاله وكلّ الاعمام=في كل بيت(ن) من غيابه صدوعي
والله لولا العقل والدّين الاسلام=لأقول ماللشّمس بعده طلوعي
أشتاق لك ياخوي والله مانلام=اليا سهرت اللّيل وقت الهجوعي
ياليت اشوفك لو دقيقه بالاحلام=واسمع صدى صوتك يداعب سموعي
ثم المحك تحت النّخل ذات الأكمام=وسط النعيم بفضل ربك قنوعي
لو الدّموع تردّ من بالقبر نام=واللّه لاسيّل مابقى من دموعي
لكنّ حكم الله على العالم احسام=وانا لامر الله أبعلن خضوعي
شي ٍ كتبه الله على الكلّ والزام=نتيقّن انّ الميْت ماله رجوعي
يضيق صدري كل ماشفت الايتام=وان زادت الضيقه أزيد الرّكوعي
واطلب من الله ذي الجلال ِ والاكرام=يبدله عن داره جنان وزروعي
وادعي عسى الفردوس مع كلّ الانعام=مصير نور العين واغلى ربوعي
مانساك يا(000) على مر الاعوام=لو كان حزني ماتطيقه ضلوعي [/poem]
-
-
فخر اهلها ....
يشرفني حجز المقعد الاول بالردود
قصيده
صاااااااااااااادقه
الصمت ابلغ
بس باقولك
جت ع الجرح
الله يرحم اخوك ويرحم جميع موتي المسلمين
ويرحم ابوي ويسكنه جنات النعيم
تقبلي مروري واعجابي
اختكـ حبيت حرماني
-
حضور لحجز مقعد في المقدمه (( 1 ))
-
[align=center]ان جيت أبكتب فيه طير الفكـر حـام
يجيبهـا هزلـة ولا سـدّ جـوعـي
الحبر دمعي والهدب اصـدق اقـلام
لاسال منها الحبـر ماهـو بطوعـي
الله يترحم اموات المسلمين بالرحمه
وعساك ماتفقد غالي
واوقف عند الصوره الرائعه
ثم المحك تحت النّخـل ذات الأكمـام
وسط النعيـم بفضـل ربـك قنوعـي
تسلمي مليون لوكانو يسدون لكن قمة الشعر بقمة صاحبه[/align]
-
اسم على مسمى
صح لسانك يافخر اهلها على هالقصيده الرائعه والمعبره
عساك ماتفقيدين غالي
-
رحمه الله
ومعوضة خير إن شاء الله
صح قلبك وكلك
وسلمت اناملك اختي
تحيتي لك
-
لو الدّموع تـردّ مـن بالقبـر نـام
واللّه لاسيّل مابقـى مـن دموعـي
لكنّ حكم الله علـى العالـم احسـام
وانـا لامـر الله أبعلـن خضوعـي
شي ٍ كتبه الله علـى الكـلّ والـزام
نتيقّـن انّ الميْـت مالـه رجوعـي
.
.
رحمه الله ..
وأسأل الله لكِ الصبر في مصابك
وصح لسانك على هذا النزف .
-
الله يرحم اخوك ويرحم جميع موتي المسلمين
صح لسانك
تحياااااااااتي
-
[align=center]رحم الله اخوك واسكنه فسيح جناته
ابدعتي يا اختاه
تقبلي مروري الخفيف من هنا
دمتي بخير[/align]
-
فخر اهلها
الله يرحمه ويرحم اموات المسلمين
صح لسانك رائعه يافخر اهلها
تحياتي
-
من عشاق هذا الوتر
صح لسانك
قوة عاطفه يافخر
عوضك الله بدلعام الحزين
بسعادة الأعوام المقبله
فائق الاحترام
-
يضيق صدري كل ماشفـت الايتـام
وان زادت الضيقه أزيـد الرّكوعـي
ياسلام عليك
حبك وسبك
ولافض فوك
فخر اهلها
ابدعتي وامتعي
صح لسانك
وجبر الله مصابك
دمتي بخير
-
واطلب من الله ذي الجلال ِ والاكـرام
يبدله عـن داره جنـان وزروعـي
وادعي عسى الفردوس مع كلّ الانعام
مصير نور العين واغلـى ربوعـي
اللهم امين
صح لسانك ولاهنتي وعضم الله اجرك
اخوك
-
فخر اهلها
هلا بك وغلا
صح لسانك الى رضاك
رحم الله اخاك واسكنه فسيح جناته وتقبله بقبول حسن ..
واعاضكم به خيرا ان شاءالله ..
قصيده رائعه رغم الحزن مشاعر صادقه واحساس نابع من القلب
شاعره رائعه
لله درك
تقبلي مروري
