[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
غرونطحني سر عين أنظـرت بـه=أقطبت انا أنه حلـو كامـل الزيـن
مرت وقلبـي بالحـلا أخلفـت بـه=مدري عشية سبت وألا ضحى أثنين
يازينها ويازين مشي(ن) مشـت بـه=متحشمه وساتـر خفاهـا ولا يبيـن
أمن الحيا حتى الهـدب نزّلـت بـه=وصرفت عنها امن الحيا نظر ة العين
لكنْ قلب(ن) في الهـوا علقـت بـه=قلب(ن) تعلق في هوا الزين مسكيـن
اللي خـذت قلبـي ولا نوخـت بـه=ألا علـى أرض الوفـا والمحبييـن
سمعت عنها با لذهب لا كشخت بـه=كل الذي في دربهـا يصفـط يميـن
ولا نقشوا حنْا بيديهـا زهـت بـه=وغيره ينقش بـه يدينـه ولا يزيـن
يـا حـظ حنْاهـا اذا نقْشـت بــه=يليـق بيديهـا ولـو نقشهـا شيـن
وشعر(ن) عليها لنزلت ولعبـت بـه=مثل الفرس لامن عـدى فالمياديـن
وصوت(ن)عليها يّمّدح لا حكت بـه=اللي معاهـا لا حكـت قلبـه يليـن
أما ترد يا سعود قلب(ن) غـدت بـه=والا نجمّع في هـوا الحـب قلبيـن [/poem]
