ياصاحبي عندي عتب وانت راعيه...

ياصاحبي عندي عتب وانت راعيه
وتري العتب ينقال للطيبيني
وإلا الردي ماحب شوفه وطاريه
عن شوفه الانذال كرمت عيني
عليك ياساس المعزه مشاريه
بقولها لاجيت بينك وبينــي
واجب علي استر رفيقي واداريه
عن كلمة الحساد والعاذليني
ادمح له الزله على شان ماضيه
لوشان وقتي خاطري مايشيني
ياشين زلة من تعزه وتغليه
لولا الحيا بيحت منها كنيني
يافزعتي اللي كل ماطحت اناديه
ياعزوتي يانخوتي ياعويني
ياذخري اللي بالليالي مراعيه
يا سلاحي اللي ماسكاته يديني
إنت الرفيق اللي نعادي معاديه
وإنت اليمين إللي تعاضد يميني
وأنت الشموخ اللي افتخربه وماريه
رفقة سبع ماهي برفقة حصيني
خطا واقول اني دمحته وناسيه
واجيك كانك منحرج لا تجيني
بفتش الخافق واعلمك وأشفيه
واعذرك لو العذر ماهو سميني
من لادمح زلة رفيق يماشيه
وحده يعيش بماضيات السنيني
والراس لوشان الدهر ما نوطيه
سلم مشوه أجدادنا الأوليني
من باعني بعته ولو كنت شاريه
وأشري بغلا إن كان هو مشتريني
بقول كلمة وإنت ماقلت راضيه
كلمة عقل تنقال للعاقليني
اخويه إللي في زماني مخاويه
ماهوبشرط إنه ضنى والديني
كم واحد شره على أقرب اهاليه
وكم واحد خيره يعم ويبيني
يالصاحب اللي طاهرات مجانيه
بيحت لك ياصاح خافي حنيني
هذا عتاب وسمه إللي تسميه
وإليا اختصرت الهرج يصبح ثميني
بينت شي وشي مازلت مخفيه
واطلب من الله لا غلطت يهديني
تحياتي...

روعه روعه وربي "
سلمت يمناك على ماخطت لنا "
لاهنتِ يالغلا "