-
الظلم قوة
بسم الله والصلاه والسلام على افضل خلق الله
اعزائي قصيده قديمه كتبتها في عام 2000 بعد الانتفاظه الفلسطينيه....
ربما مؤتمر انابوليس اعادها الى المقدمه في ذاكرتي ....
ربما ياتي من يقول ياخي قديمه والموضوع صار له 8 سنوات اقول والله حنا يالعرب اللي قبل 8 سنوات مثل اللي الان واللي الان مثل بعد ثمان سنوات الا ان يشاء الله ......
اخليكم مع القصيده واتمنى القبول وانشد الرضا ...
الظلم قوة
[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
يالله ياعالم خفى كل مكنون = يامبتلي عبده بقو امتحانه
ياوامر(ن)وامره على الكاف والنون= فيك استعانه طالب الاستعانه
انت الرجا فيك الرجا منك مضمون= ياعون عبدك وان غدر به زمانه
نشكي عليك احوالنا دون من دون = صرنا على تاريخ الامه مهانه
وليا حصل من ينشد العلم وشلون = عندي على مااقول ثبت وبيانه
وشلون يدخل مسجد القدس شارون = يزرا بتاريخه ويهزا بكيانه
القدس تعبث به شياطين صهيون = تدنس ترابه وتنزع امانه
وحنا ثلاث اميه بالاعداد مليون= ولامنا من هزه مرارة اخوانه
نبي الفرج من بوش والبوش ملعون = يحمل بقلبه حقد عرق وديانه
اطلق زمام الامر في يد مجنون= اعطاه ضو اخضر ومده واعانه
يمد له في كل ورطه يد العون = ومعطيه عن كل العواقب حصانه
بوش (ن)لشارون اودع الدرب مامون= وكوفي عنان اطلق لبيرز عنانه
وزيني وسولانا للاحقاد ماعون= وتنت ومتشل ضيعتنا لجانه
على جرايم مجرم الحرب يضفون= ستار الخديعه للجرايم ضمانه
خلوه داين عقب ماهو بمديون = بصبرا وشاتيلا وجنين (ن)وقانه
هذا مصير اللي رضى الذل والهون= ورجا من اعداه السند والاعانه
لزماننا هذا شريعه وقانون = الظلم قوة والتسامح سكانه
واخذ الحقوق بشذرة السيف مرهون = مايستعيد الحق شجب وادانه
لاصار مايصرخ شبا كل مسنون = برقاب بياع الذمم والامانه
وش عاد لو قلتوا هذا طيش وجنون= حلول التحاور لبستنا هوانه
نجلس لطاولة النقاش ويقومون = عنها بمطالب كيد مكر ولعانه
ليا متى ومدور الحق مسجون = يحيا ويموت ولا تعدا مكانه
يا اهل العقول النيره كان تدرون= صد الرجل عن واجباته خيانه
مافيه داعي بالحقايق تمارون = طيب الرجل تسند يمينه لسانه
هذا الصحيح وقولوا اللي تقولون = لاعاش من يرضى حياة الاهانه [/poem]
وسلااااااااااااااامتكم
-
-
ابا اسبق النايف
صح لسااااااااااااااااانك الى يوم يبعثون
وانا احتج وستنكر
لا تقول ليش
اقولك لاني عربي احب ان انام مظلوم واخاف من الفيتووو ووو الامريكي
-
هذا الصحيح وقولوا اللـي تقولـون
لاعاش من يرضـى حيـاة الاهانـه
بيض الله وجهك تستحق الحفظ تقبل ودي قبل إعجابي
-
اكثر من خمسون عام والاوضاع كما هي بل ومن السيء الى الاسوأ
ولكن
الشكوى لله سبحانه وتعالى
نشكي عليك احوالنا دون مـن دون
صرنا على تاريـخ الامانـه مهانـه
صح لسانك بلا حد
جزلة ومن جزل
-
نياف العتيبي
هلا بك وغلا
مجرد مرورك من هنا يكفيني وبيض الله وجهك على حرصك الدائم ومتابعتك المستمره ..
استاذي العزيز
مجرد وجود اسمك في متصفحي شرف لي وان لم تعلق ..
لاخليت منك
لك من القلب شكرا
-
محمد الروقي
هلا بك وغلا
لي الشرف ان يتسابق امثالك للرد على قصائدي..
صح بدنك وطال عمرك .................
وشجبك واستنكارك محل اهتمامنا ونبي نقدم فيه مذكره الى مؤتمر انابوليس ......
لاخليت منك
لك من القلب شكرا
-
ليا متـى ومـدور الحـق مسجـون
يحيـا ويمـوت ولا تعـدا مكـانـه
**
ليا متـى ومـدور الحـق مسجـون
يحيـا ويمـوت ولا تعـدا مكـانـه
***
ليا متـى ومـدور الحـق مسجـون
يحيـا ويمـوت ولا تعـدا مكـانـه
إلى أان تنسف الحدود الجغرافيه وتتواحد الروح العربيه والاسلاميه في قلوب المسلمين
صح كلك يا أحمد
ومهما مضت الأعوام والسنين لا بد من أن نعاود ونحرك القلوب بـ الشعر والمقالات
كي لا تجتث الفكرة من القلوب
-
شاعر جزل يالشمري
وطرحك رااقي
وحضوري في متصفحك للاستفاده من ابداعك
صح لساااانك
ولاهنتتتتتتتتتتتتت
الناااايف
-
احمد الشمري
صح لسانك مليون
قصيده جميله
والله يعافيك
-
صح لسانك يا أحمد ولا هنت
وسلمت يمينك على هذا البوح الرائع
نسأل الله النصر للإسلام والمسلمين .
-
لله درك يا احمد
جزل ومبدع دوما
صح قلبك وكلك
وسلمت اناملك
تحيتي لك
-
,
,,
الشاعر المبدع والرائع أحمد الشمري:
قصيدة رائعة وكلمات صادقة وحاضر وماضي مؤلم
ولكن هل من تغيُر وفلسطين يحرقها بني جلدتها؟
صح قلبك وكلك
-
احمد مناحي
أستاذي الفاضل
شهادتي من زمان مجروحه بك
صح الله لسانك وأعلا من شانك
لك التحيه والتقدير
-
