-
لكم من باب التواصل
[poem=font="Simplified Arabic,5,burlywood,bold,normal" bkcolor="darkred" bkimage="" border="double,3,burlywood" type=1 line=0 align=center use=ex num="0,black"]
يا وجودي
يا وجودي كل ما هـبّ نسناس الشمـال=وجد من حدّه زمانه علـى اللـي مـا يبيـه..
ويا وجودي كلما اضحيـت ثـم مـال الظـلال=لا غفت عينـي ولا ذقـت شـي ٍ مشتهيـه...
وجد من قفّى وهْـو فـي رجـا كلمـة تعـال=وإلتفت من عقب ماْ اقفى ..ولا أحد ٍ لدّ فيه..!!!
ويا عذابي لا دنـا الليـل مـن روس الجبـال=وانتهى يوم ٍ من العمـر مـا عـاد أرتجيـه..
وانتي أبعد من سمـا الحلـم ووصالـك محـال=يا بعد من هلّ دمعي ضحـى الفرقـا عليـه..
يـا غناتـي لا تحسبيـن دمعـي يـوم ســال=ضعـف ولاّ خـوف ..ولاّ كـذا ولاّ كذيـه !!
والله إنـي مـن رجـال ٍ يضـدّون الـرجـال=لكن الحظ ّ الردي ..ساق دمعـي كـل أبيـه !!
والله انـى كـل مـا دار حولـيـك الـجـدال=قمت كن الموت يشر على قبري بإيديـه !!
ووالله ان قد لي وانـا اصّـد لا جالـك مجـال=صدّة اللـي لا تضايـق تذكّـر قبـر أخيـه !
ومن سألني قلت مـدري..وإذا عـاد السـؤال=قلت له تكفى سؤالـك تـرى ماهـو وجيـه !!
وش تبيني اقول عن من ترى ذبحـي حـلال ؟=والخطا منها عليّ..صـرت أحبـه وأهتويـه!!
عذرها لو مـاْ تْعـذّر مثـل واضـرب مثـال=واحد ٍ ما يعـرف الحـرّ الاشقـر يشتويـه !!
وان رجعنا للتـواصـيـف لله الـكـمـال=لاْ انتهـى ليـل المزاييـن جاتـك تبتـديـه !
كنّهـا غفـل ٍ مـع البـدو طاويهـا الحـيـال=مـا يميّـز وصفهـا إلا نبيـه ٍ مـن نبيـه.!!
ياْ اول أحـلام الطفولـه علـى حـد ّ الخيـال=الرجى باللي حمى البيت مـن حملـة بريـه..
حال دونك سيف عنتـر وتاسـع حـول حـال=باْثر حول ٍ حال دونك وانا ادعى هيـه هيـه !!
هيه ياللي غـرّك الحسـن واطغـاك الجمـال=والله أني اموت ما شفت لأوصافـك شبيـه !!
لـو يسـام الحسـن والتيـه بجنيـه وريــال=ما بقى في سوق غيـرك ريـال ولا جنيـه !!
كيـف أهـدّك للمقاديـر وانتـي راس مـال؟؟=راس مال ومال..والمال ماْ يعطـي السفيـه !!
حافظك حفظي لعينـي ورمشـي لـك جـلال=وانتـي تْشحّيـن بالما..وانـا شفّـي مويـه !!
شايف ٍ ظلمـك وساكـت وطـال الليـل طـال=لا تركتي طعن قلبـي وانـا مـا قلـت ليـه...
لو بقـى للهيـل صبـر ٍ علـى فـوح الـدلال=ما بقـى للقلب صبـرٍ علـى شـي ٍ يجيـه!!
وانتـي تْسوقيـن عقلـي علـى حـدّ الهبـال=تحسبين ان من بغى شي ..يقـدر يشتريـه !!!
ولاّ انا يـا وجـد حالـي وجـود ٍ مـا يقـال=وجد مـن ضحّـى بغاليـه لْرضـا والديـه...
ويا وجودي بأول العمر قبـل ألبـس عقـال !!=وجد من باع آخر العمر ..في رغبـة ذويـه !!
ويا وجودي كل ما هـبّ صوتـك مـن شمـال=وجد من حدّه زمانه على اللـي مـا يبيـه !!! [/poem]
وسلامتكم
[rams]http://www.movn.net/thedan_bn_qth3an/ya_wjody.ram[/rams]
لاهنتوا
/
\
/
\
-
http://foooshy7878.googlepages.com/Foshy1.jpg
****
ويا عذابي لا دنـا الليـل مـن روس الجبـال
وانتهى يوم ٍ من العمـر مـا عـاد أرتجيـه..
وانتي أبعد من سمـا الحلـم ووصالـك محـال
يا بعد من هلّ دمعـي ضحـى الفرقـا عليـه..
عليه
يااويلي ويلاه بيت ولا كل البيوت ..رهيبه رهيبه رهيبه
تدري وربي كني اشووف منظر الليل وهو يدني من سوح الجبال في وقت المغيب ...
وياليل العاشقين:11rob:
((وليل كموج البحر ارخى سدوله علي بانواع الهموم لينجلي))
والليل الهموم وآآآآآآه من ليل العذاب .... صوره رايقه من شاعر رايق
يستلذ بمعنى الحوب والعذاب ,,, والرجل لادمع اصبح حوبه محال ...
ابك هذا الحوب والغنج والدلال ...ياعيني بس يا عيني
هذا المقطع يدل على الحاله الفرديه اللي انت عايشها ...
ودليل تعلقك بالصوور الصحراويه والبداوه تجري بدمك مجرى الدم من العرووق
وش تبيني اقول عن من ترى ذبحـي حـلال ؟
والخطا منها عليّ..صـرت أحبـه وأهتويـه!!
اهتويه
فووق فووق ياشعر فووق فووق
هههههههههههه يخي لو تذبحك اهون من اننا نشوف عاشق على شفا حفر قريب الانهيار
مدري انت اعمى شاعر ولا شاعر اعمى صرت تكتب اشياء فوق الخيال
وصرنا نهوى ذبحك دام ترشقنا بهالخيال ...!!
وانتـي تْسوقيـن عقلـي علـى حـدّ الهبـال
تحسبين ان من بغى شي ..يقـدر يشتريـه !!!
ولاّ انـا يـا وجـد حالـي وجـود ٍ مـا يقـال
وجد مـن ضحّـى بغاليـه لْرضـا والديـه...
ويا وجودي بأول العمر قبـل ألبـس عقـال !!
وجد من باع آخر العمر ..في رغبـة ذويـه !!
ويا وجودي كل ما هـبّ صوتـك مـن شمـال
وجد من حدّه زمانه على اللـي مـا يبيـه !!!
ما يبيه
يا هوووووووووه
ابيات مجنووووونه واعصفت بنا عصف ....وحاشا يجيك الهبال ...
ابك انت هبلت فينا وابحرنا معك في بحر الجمال ... تجبرنا نتابع جديدك
كفو والله كفو يا بن قضعان
ماحلى الصباح وانا اقرى قصيدك مع سحة الفنجال
لبى الشعر ولبى من ابدع فيه .... قصيده جزله من جزل
ونبقى رهن ابداعك حتى ابداع ااااخر
وما نقوول الا صح لسانك وعلا شانك ويسلم الحجر اللي رباك وصانك
****
http://foooshy7878.googlepages.com/Foshy2.gif
-
ابو منصور
صح لسانك
عرفناك مميز عن الاخرين و ستظل كذالك
سجل اعجابي هنا
دمت بخير
...
-
حي الله ابو منصور
والساعه المباركه
ومهما كانت للتواصل
فـ قصائدك لا تبلا
فهي تسير مع مر السنين
وننتظر كل جديد منكـ هنا
كما عودت صفحات غرابيل ... نشرك فيها قبل النشر الصحفي
صح قلبك
تحيه عطره
محمد الدغيري
-
.
لا تعليق
فشموخ النص
يقف امام الحروف والتعبير
لا يسعني الا قول
صح لسانك
.
-
ضيدان بن قضعان
صبحك الله بالخير ياشاعرنا
نص قمه من قمم الروعه والابداع
دمت بهذا التألق والابداع والله لايضرك
صح لسانك لين ترضى
تحياتي
-
[align=center]
ضيدان بن قضعان
ـــــــــــــــــــــــــ ــــــ
يا هلا والله وغلا
صح لسـااانك ملايين يا ضيدان
قصيدة جزززلة من شاعر اعتدنا منه الجزاااالة
لاهنت يالغالي
ولا تحرمنا جديدك
ـــــــــــــــــــــــــ ــــــ
أخوكـ/خالد
[/align]
-
لله درك يابومنصور
مدرسة شعرية
ولنا الشرف بالتواصل مع ماتجود به قريحتك
صح قلبك وكلك
وسلمت اناملك
تحيتي لك
-
،
وانتي أبعد من سمـا الحلـم ووصالـك محـال
يا بعد من هلّ دمعـي ضحـى الفرقـا عليـه..
يـا غناتـي لا تحسبيـن دمعـي يـوم سـال
ضعـف ولاّ خـوف ..ولاّ كـذا ولاّ كـذيـه !!
والله إنـي مـن رجـال ٍ يضـدّون الـرجـال
لكن الحظ ّ الردي ..ساق دمعـي كـل أبيـه !!
وآآآآآآآآآآآآآو
قصـــيدهـ في قمهـ آلجمـآلـ
صح لسـآنكـ
وتسلمـ يمينكـ
،
-
لله درك يابومنصور مدرسة شعرية مستقله
صح لسانك وسلمت يمنااااك وننتظر جديدك
-
يا وجـودي كـل مـا هـبّ نسنـاس الشمـال&وجد من حدّه زمانه علـى اللـي مـا يبيـه..
ويا وجودي كلما اضحيـت ثـم مـال الظـلال&لا غفت عينـي ولا ذقـت شـي ٍ مشتهيـه...
وجد من قفّـى وهْـو فـي رجـا كلمـة تعـال&وإلتفت من عقب ماْ اقفى ..ولا أحد ٍ لدّ فيه..!!!
الله الله الله
إبداااع مميز يا أبن قضعان,لاهنت
أجد في قصائدك مايروي ذائقتي
شاعر مبدع وغني عن شهادتي طال عمرك
لك تقديري واحترامي
بانتظااار جديدك’,,
-
ضيدان بن قضعان
هلا بك وغلا
صح لسانك الى رضاك
هذا المتصفح ليس للتعليق وتسجيل المرور وانما للاستفاده والاستمتاع بالشعر الحقيقي ..
انت في غنى عن مانقول لكننا في حاجه لما تقول ....
لاني احفظ الكثير من قصائد ضيدان ومتابع لكل مايكتب لاحظت طال عمرك ان القصيده لم
تنزل كامله بقي منها مايقارب الاربع ابيات لم اجدها في النص لااعرف هل سقطت سهوا ام
لرغبة الشاعر ...
تقبل مروري
-
ضيدان بن قضعان
:
بيض الله وجهك وصح لسانك
فـ هُنا فعلاً شعر ممتع ..
جزل وليس بغريب عليك هذا الأبداع
في شوق دائم لـ بوحك يالقرم
أخوكـ
-
ماتمل قصايدك يابومنصور
رددناها وكل مرة نرددها تتجدد
صح لسانك وعلا شانك
-
ضيدان بن قضعان
يكفينا هذا الأسم العريق.والذي يفخر به المنتدى ونحن نتشرف به..
حيي الشعر والشاعر..