-
فيضة المصرعيه
الجديد لكم دائم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول من وقّع علـى تنـدة الجيـب = عصر الخميس بفيضة المصرعيّـه
عزّي لمن جافوه روس المعازيـب = وأضحت يدينه من حزامـه خليّـه
ياوجد حالي وجد شالح على ذيـب = على طويق اللـي ركونـه ذريّـه
وين أنت ياريف الخوي منبع الطيب = يوم أن ولد الـلاش يضهـد خويّـه
ياعين لا تبكين تـرا البكـا عيـب = حتـى ولـو صكـات بقعـا قويّـه
ويارجل لـو إجبارتـش للعراقيـب = عدّايـت المشـراف حقّـش عليّـه
لابد ماتجبر كسورش وأنـا أطيـب = بـأذن الله الرحمـن رب البـريّـه
وأبدي عصيـر بنايفـات المراقيـب = وأجر صوتي عادها الشمـس حيّـه
وأن كان ماهيّضت غيري فلانيـب = كفـوٍ تلاحـي صوتـي الراعبيّـه
من طلعتي لين أمتلا عارضي شيب = وأنا ورا الهقـوات عينـي شقيّـه
أرقا بلعبي فـوق لعـب اللواعيـب = ومـن المطالـع طلعتـي عالميّـه
أغوص غبات البحر نكس وأجيـب = غناة نفـسٍ مـن صباهـا غنيّـه
مانيب من يقنع بهـزل المكاسيـب = ولانيب من يجزي الحساني بسيّـه
القلب غير الحب مرتـاع أصاحيـب = والنفس غير العـز ماهـي دنيـّه
والكف غير الجود تنـدى مواجيـب = والراس غير الشعر يقـدح حميّـه
عادة هل السمرا هل الشيخ وعضيب = لادخنـت يـردون حـوض المنيّـه
وان ساقت الدنيا السرايـا مراكيـب = تنطـح سراياهـا سريّـه سريّـه
علمٍ لمرواسه .. تسـاق المناديـب = ولاتجـيـه الصـبـح ولاقفـيّـه
انا ولد منصور عطـب المظاريـب = اللي كفوفـه فـي الشدايـد نديّـه
لو يالدنّ مع الخشـوم الرعابيـب = ماجبـن اللـي جابـت الجابـريّـه[/poem]
ضيدان بن قضعان
-
محجوززززززززززززززززززززز ززززز
وبقوووووووووووووووووووووو ووووووووووووة
مو مصدق عيوني
رررررررراجع
-
بن قضعان
شرف كبير لي أكوووووووون أول الواصلين لقصيدتك
وجودي فقط للرد على قصيدتك يزيدني تيها ً
الله الله
أغوص غبات البحر نكس وأجيـب
غناة نفـسٍ مـن صباهـا غنيّـه
مانيب من يقنع بهـزل المكاسيـب
ولانيب من يجزي الحساني بسيّـه
ونعم فيك والله يا ضيدان
انا ولد منصور عطـب المظاريـب
اللي كفوفـه فـي الشدايـد نديّـه
لو يالدنّ مع الخشـوم الرعابيـب
ماجبـن اللـي جابـت الجابريّـه
تستاهل الطيب لأنك من مواجيبه
تقبل تحياتي واحترامي على هذه الشامخة
دمت بكل الود
-
ضيدان بن قضعان
صح لسانك
عدد بلا مدد
-
اخوي الغالي
الله الله الله
قسم با الذي رفع السماء بلا عمد
اني قمت انتفض
والنعم فيك وسبعه انعام
فلانامت اعين الجبناء
وبس
يارجل وخل الي فاالقلب في القب
تحيات اخوك عبد الرحمن الغطفاني
والسلام
-
[align=center]ضيدان بن قضعان
كفو والله ياولد منصور
صح لسانك
ولاهنت
والجزالة ماهي غريبةعليك
سمو شاعري واسم عانق الأمجاد
غني عن المديح
تقبل تحيات أخوك/ ابن ناحل[/align]
-
,[grade="00008B FF6347 008000 4B0082"]
,
,
,
قصيدة عذبة وجزلة من شاعر متمكن
عزيزي ضيدان
قرأناك هنا بعزة وشموخ
ومعاني نقية
وأماني غالية وعالية
دام حرفك بروعة ياعزيزي...[/grade]
-
مانيب من يقنع بهـزل المكاسيـب
ولانيب من يجزي الحساني بسيّـه
صح لسانك لا عدمناك
والله مو مصدقه
الشاعر المتالق ضيدان بن قضعان
كسوت الغرابيل شرفا وفخرا بانتسابك للمنتدي
ولا يهون الباقين
-
ضيدان بن قضعان
صح السانك شاعرنا الكبير
ولاهنت
جزل الكلام من جزل الرجال
اخوك
فالح الشلوي
-
ابو منصور
جزل
حقيقه يشرفني ان اكون من المتصفحين لقصائدك
والله ماهو بغريب عليك الابداع
مبدع في كل قصائدك
وانا دائما من المتابعين لابداعاتك
لك مني كل تقدير واحترام
اخوك الواصل
-
ضيدان بن قضعان
صح لسانك بلاعدد
تحياااااتي
-
[frame="7 80"]انا ولد منصور عطـب المظاريـب
اللي كفوفـه فـي الشدايـد نديّـه
لو يالدنّ مـع الخشـوم الرعابيـب
ماجبـن اللـي جابـت الجابـريّـه
ضيدان ابن قضعان
كفو وسبعين نعم
الله الله الله
ما انت بحاجه لمديحي لكن اسمحلي اسجل اعجاب بلا حدود
وننتظر جديدك على احر من الجمر
تقبل اجمل تحيه[/frame]
-
القلب غير الحب مرتاع أصاحيـب
والنفس غيـر العـز ماهـي دنيّـه
والكف غير الجود تنـدى مواجيـب
والراس غير الشعر يقـدح حميّـه
عادة هل السمرا هل الشيخ وعضيب
لادخنـت يـردون حـوض المنيّـه
ونعم بك يابومنصور
وصح لسانك
جزل ومبدع
تحيتي لك
-
شاعر الكبرياء وأصالة الكلمة : ضيدان بن قضعان
صح لسانك بلاعدد
اشتقنا لمثل هذا البوح الراقي
والكلمة الأصيلة والقوية
والمشاعر النابعة من المعاناة الصادقة
وها أنت تصدح بها بشموخ رغم الألم
لا باس عليك ياكبير
مودتي
-
ضيدان بن قضعان
،
،
صح لسانكـ مليون ولا يوفون
وسلم بوحكـ
تقبل فائق التحايا .