=تبقى الشجاعه للأسد وألخوف فقلوب النعام = لوتدري إنها بينه مكان تدفن روسها
لكم الجديد
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه جاني كلامِ غير عن كل الكلام = كدر صفى جوي وألاجواء الصافيات يحوسها
الحاجه إللي ماتسوق لاحلال ولاحرام = مافيه قاموسِ من اللهجات في قاموسها
يالله عساها ماتجيني فيك ياورق الحمام = كل اللحون الساجعه غنيت لي منكوسها
الله يجبر خاطري والله يعديك ألأثام = يامطيب أرض الهند لو تفتك من هندوسها
والله وسيع المغفره والله شديد ألأنتقام = راحة قرونِ ماضيه من يعتبر بدروسها
لاجت لك الدنيا على كيفك من أحسن مايرام = لاتظرب الغبات ياسباح لين تقوسها
العلم فيه النور ولا الجهل غبات الظلام = والبدو لاطاح الحياء تشد عقب إعسوسها
أفطرة ياحبر القلم بالفن من عقب الصيام = وصحيتني والناس في غفله تحت كابوسها
إكتب على بيض الورق تعبير لاهب الولام = وخاطب عقول الناس حسب أفكارها وحسوسها
إللي على عيز الجمل وإللي على راس السنام = وإللي على الجره يقص القافله برموسها
كم واحدِ يشكي من الحاجه وهذا مايلام = وكم واحدِ حمر النعم لاشبع قام يدوسها
ماشاف يومِ يكرهه من طاف من سن الفطام = مايدري ان بقعاء إليا دارة تحد إظروسها
كم واحدِ في غفلته روح على الدنياء السلام = عاين إشعوبِ راح ريسها قبل مريوسها
تبقى الشجاعه للأسد وألخوف فقلوب النعام = لوتدري إنها بينه مكان تدفن روسها
دنياء البنادم زايله وإللي على الدنياء حطام =ياللي تحسب أنصافها وأرباعها وسدوسها
أوجزة في مالاق لي وأبلغت في مسك الختام = وألله يحوس إللي يكدر صفوها ويحوسها [/poem]
وســـلامتــــكم
