الكيف .. والكمّ .. !!

الأخوة في غرابيل ... تحية طيبة

قصيدة قديمة نشرت في صفحة مدارات في جريدة الجزيرة .. وأحببت أن أجددّ الذكرى معها .


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو كل ما نبغى يجينا على الكيف= ما صار فينا إنسان ضايق من الهمّ
بس الحياة هموم صدر وتكاليف=مع فرحةٍ تجلي عن الضايق الغمّ
أحدٍ بنى مجمل حياته على الكيف=وأحد مضيِّع كل عمره على الكمّ
بعض القصيد إن جاك في حسبة الضيف=وبعض القصيد يجيك كنه ولد عمّ
وأنا صدفني في زماني صواديف= شيٍ ينشف داخل عروقي الدمّ
ياما تكسر في حياتي مجاديف=لكن عزومي قاومت عاتي اليمّ
أبني مشاريعٍ من الحلم وأضيف=ويا كـم مشروعٍ بنيته ولا تمّ
وتلفيني أحلام السعادة مراديف=وأحلامي أبعد لي من الذوق والشمّ
مثل سحابة صيف مرت على الصيف=ما تروي الظامي ولا خيرها عمّ
واللي عرفته شيء غير التعاريف=شيءٍ تعدى نبرة الفتح والضمّ
موت البنادم ما هو بضربة السيف=ولا هو بشرب السّم لا قيل له : سَمّ
الموت صدر الحي كله سواليف=لكن يرجـعـها إذا وصلـت الفـمّ [/poem]

[align=center]
لبى قلبك والله

صح لسانك يا أبو عبدالله

لوحة أدبيّة

[/align]

شاعر ولا فيك حيله بيض الله وجهك

صح لسانك قصيدة جزلة وبيض الله وجهك

لـو كـل مـا نبـغـى يجيـنـا عـلـى الكـيـف .. مـا صـار فينـا إنسـان ضـايـق مــن الـهـمّ

جبتها على الجرح
وترجمت احساس غيرك
صح قلبك يامناحي
ودااااااام حرفك

مفرّح بن منآحي..،
وخآلقي اشبعني هذا المتصفّح شعرآ
من اجمل ماقرأت مؤخرآ
قصيده مترفه من الفها الى يائهآ
صح لسآنك مليون ولايكفون
ودمت يآشعر..،