[align=center][rams]http://mzyonh.com/up/uploads/images/...0f83dd71c8.gif
http://www.6rb.com/songer/x/sh/86/86-akhr-drwby.rm[/rams]
يا بشر تكفون حلّو عن سمايه
مايصيب الهرج لو الهرج صوبي
كم سكت لكم بما فيه الكفاية
اشتموني لو زعلتوا واشمتوا بي
عيبوني واتركوني في عمايه
واتركوا لي واحدٍ يرضى عيوبي
http://mzyonh.com/up/uploads/images/...0f83dd71c8.gif
اتركوا لي واحدٍ يمسح شقايه
كل ماحط الزمن دوبه و دوبي
http://mzyonh.com/up/uploads/images/...0f83dd71c8.gif
ذاك والله لا ذكرت انه ورايه
أشعر ان الكون كله وسط ثوبي
يكفي انه لو يسولف للمراية
كنّ صوته يهمس لصورته ذوبي
كيف انا ما اذوب مادامه معايه
اسمعه واسهر معه لاول ذنوبي
كل ما قال: السهر درب الغواية
قلت: كله من عيونك هبّلوا بي
كل ماقال: الخطا ماهو خطايه
قلت له: قل للعيون السود توبي
ضيعتني واسأل الله الهداية
وين اجيب العقل؟؟ اجيبه من جيوبي!
http://mzyonh.com/up/uploads/images/...0f83dd71c8.gif
من يعرفك ما يدل العقل رايه
ياشروق العمر مدري يا غروبي
http://mzyonh.com/up/uploads/images/...0f83dd71c8.gif
أذكر انك كنت لي مثل الهواية
لو تروح ولو تجي يبقى شحوبي
بس مدري كيف صرت اليوم غاية
صرت اجي واروح مدري عن دروبي
يا بعد عمر الكتابة والقراية
يا الشمالي يابو الملح الجنوبي
لا قريت اللي كتبته يا رجايه
رح وبلّغ ربعي اللي جننوبي
قل لهم يمكن يخلّون الوشاية
وان تمادوا خلّهم مهما حكوا بي
انت خلك بس فـ الدنيا عزايه
لا تفكر فـ العواذل وانت صوبي
ادري انّه كل درب وله نهاية
بس انا باقي معك لاخر دروبي
http://mzyonh.com/up/uploads/images/...0f83dd71c8.gif
كلمات الشاعر : فهد المساعد
[/align]
