قصيده في قمة الروووووووووعه

على ذاك الرصيف اسهر وأنادي بكل جنون القار؛؛
أكلم شارع خالي سواده من سواد الليل
أنا راح العقل مني وعندي للجنون أعذار
معاناتي اذا بوصف يفوق الوصف والتعليل
من اللي ثبت أقدامه يقاوم شدة التيار
ويعرف ان النخل وهو النخل راح وجرفه السيل
من اللي حب له طفله وحلم من يوم كانو صغار
يتوج حبه بفرحه وأمه تحضنه بتهليل
يمر الوقت وسنينه تمر ويصبحون كبار
ويتغرب لأجل حلمه يسابق كل شباب الجيل
ويرجع رافع راسه بعد ماصار هو طيار
وبقى من حلمه الوردي زفاف يرفض التأجيل
يجيها يقول حان الوقت تعالي نكشف الاسرار
طفح كيل الصبر ماعاد في صبري وصبرك كيل
ويذكرها بوقت صار مع مر الزمن تذكار
بأيام الطفوله يوم يغرقها غلا وتدليل
يمازحها وتردد له (ترى الكذاب يروح النار؛)
يجافيها وتهمس له اعرف ان الجفا تمثيل
وتدمع عيونهم لثنين يهلون الدمع مدرار
ترى الذكرى ولو حلوه طواريها تهد الحيل
وتسرح في وسط عينه..تفكر..ترتجف ..تحتار
يسألها عسى ماشر؟ ويطيح من يدها المنديل
وتنزل عالركب وتقول تسامحني على اللي صار؟!
حشا والله ماخنتك ولكنه حصل تبديل
تراها غيبتك طالت وتدري وقتنا غدار
كبرت وخفت تتأخر وخير البر بالتعجيل
ويشهق يلمح الخاتم. يحس القاع تحته دار
ولايستوعب الموقف بليا شرح او تحليل
يسود الصمت.. ولا كلمه ونظره كلها استنكار
شلل صاب اللسان وصاب كفين العتب تكبيل
دقيقه تمر.طعمها مر..نهاية عمر . موت أزهار
خسارة حب..ضياع فدرب..نار تشب..
عذاب و ويل
ويسرح لو بعيده تهون ولكن كيف بنت الجار
ويكسر صمته بصرخه تعدت في مداها سهيل
ويفقد وعيه وينزل على قاع الثرى منهار
مصيبه كيف يتحمل ترى ما بالأمر تسهيل
مابينه وبين غرفتها ..ممر ونخله بعد جدار
وهذا اللي يعذبه ويزود طينه بتبليل
يشوف اللي سرق عمره سكن وياها نفس الدار
غدى جار وله حق نزل في محكم التنزيل
يناظر دارها وفكره ورى ذيك الستاير حار
وشباك الهوى عتمه بعد مازادوا التظليل
يفكر كيف طاوعها الضمير تكون شي ضار
بعد ماكانت لعمره عمر يحسب مداه طويل
خذت كل مابقى منه ومن عقله خذت الأفكار
وبرواز الوعد مايل خذته تخاف قال وقيل
عطت بروازه لغيره وخلت في الحشا مسمار
وآخر كلمه قالتها رجاءا ماأبيك تعيل..
ورد بكل غضب يسأل تحسبيني من اهل الثار
آنا وقتي غدا ملكي ولا يتحمل التعطيل
وداع الله واذا بعدك مرض ايماني العطار
أنا لي رب مايهمل بقرا كتابه بترتيل
واذا كانت مسافات المنازل بيننا أشبار
لاخليها سفر أيام واساوي كل شبر بميل
واذا قالوا علي مجنون أو ملبوس وصابه زار
لأناجي شارع خالي لوحده في توالي الليل
وفـ( آخر بيت بسألكم عرفتوا ليش أناجي القار
قولوا للثريا من تناجي لو خذلها سهيل..)؟؟

اختيار جميل

الله يعطيك العافية

؛



رآئع يا جميلة ..بل يفوق الروعة ..لاحرمنا الله أخضراركِ


ودّي



.

اختيار رائع

سلمت


تحيه ع ـــطره

هلا بيكم