ياخــــــوك همي هم وجـــــــــروحي جروح

مسا الخير للجميع
حيالله الغوالي
هذي اول مشاركه لي وحبيت اشارك بقصيده عاجبتني وانطر ردودكم

ياخوك همي هم وجروحي جروح
وشلون ابنسى والليالي جروحي..؟!
ضاااايق وأنا من زايف الوقت مجروح
ومن لوعة الأيام عايش بروحي ..
ماودي "أحكي"عن همومي ولا أبوح
إلا ..لولي العرش سيدي وبوحي ..
تخنقني العبرة على صوت مبحوح
وأكنها دمعة بعيني تفوحي ..
وأحسها دلة على جمر وتفوح
وتذوب من حر المعاليق روحي ..
هذي "المواجع" أحسبه يوم وتروح
أثر المواجع لا لفت ماتروحي ..
حتى بنت في خافقي برج وصروح
عن قمتي ماسولفت لك سفوحي ..؟؟
والنوح من نوح الحمامه على الدوح
ماحدن عرف ليه الحمامة تنوحي ..
مدري طرب والا من احزانها تنوح
ياخــــــــوي قم ياخوي واصدح بدوحي ..
قصة مثيرة في جسدها نفذ روح
ياللعجب كم كنت فيها لحوحي ..
طفلن حياته لعب وصراخ ومزوح
واليوم جد الجد مابه مزوحي ..
أرسم وألون صورتي لون مفتوح
وألقى غموضي في ملامح وضوحي ..!
"عجزت"أبفهم قصتي درس مشروح
غاية تبدد في مداها طموحي ..
"كلي"طلاسم غاااامضة بوجه مفضوح
وأصد عن عين الفطين الفضوحي ..
دقتني الأيام مسمار في لوح
لين ارتكز مسمارها وسط لوحي ..
دنيا ظلام وليل مابيح البوح
والصبح في شمسه بخيل وشحوحي..
شفت الفرح في ساحة الحزن مذبوح
منظر كئيب بحالة الذل يوحي ..
لاتسألوني ليه ؟؟
وشلون ؟؟
وشنوح ؟؟
حتى أنا مدري ولا ابصر ولا أوحي ..
لاصار همي هم وجروحي جروح
وشلون ألملم بالليالي جروحي ؟!!!

وسلامتك....

يعطيك العافيه

سلام..

القصيده للشاعر عبدالمحسن الشاهر الشمري

يسلم نقلك الجميل

ذائقة رائعة ..كل الشكر لهذا النقل العذب ..

[align=justify]
.

دقتني الأيام مسمار في لوح
لين ارتكز مسمارها وسط لوحي ..

يَااااه ، أشْتِقت
ذائِقَة رَاقْيِة أنْتِ


[/align]

صح السان الشاعر
ويعطيك العافية

[align=center]
كلام كبير ,,

سلمت يمينك أخوي

لا تحرمنا جديد .!

[/align]

؛


اختيار موفق ..وكلام جميل ياروح
وياهلا فيكِ







ودّي

اختيار رائع

سلمت


تحيه ع ـــطره