ابي رايكم في القصيده

ابي رايكم يشباب بالقصيدة

لا تزعلـين ان جاك عـني خـبر شــين
قـولـي توفــــي بس هـذي وصاتـــه
حرام خــدك تجرحه دمعة العــــين
مـــادام ماشــاف الدمــوع بحيــاتـه
عيشي حياتك بس لا لا تنوحـــيــن
وانسي زمـان الامــس وانسي حــلاتــه
بس اذكري من هو يحبك من سنيــــن
ومــاحد على شـانك يسوي ســـواتــه
اختار لأشعاره من اسمك عناويـــــن
واصبحـتي اجمــل شـي فـي ذكـرياتـــه
حـبك بقـلـبه ماتـحكمـه قوانـيـن
انـتـي نـظـر عيـنـه وانتي عــصاتـــه
الحب يـبقـى بيـد بعـض المحــبيـن
لــو طـالــت الـمدة يزيـــد بثـباتـه
لكن لـيا منك بـيغـتـي تبـعـديــن
حـنا نـبــيع الشـي مــهـما غلاتـــه
الحر مايطمع بعيشة مساكيـــــــن
والا الـردي يطـمع بعيــشة خــواتـــه
انا سعيد مـن قـبل أعـرفك وهالحين
وكــل واحد يــابـنت يفــخر بذاتـــه
كـرامـتـه مايـبيعـها بالـمـلايــين
لــو راس مــالـه في حـياته عـبـاتـــه
وحـنا العـرب يا بنت وانـتي تــعرفين
إلــيــا زرعــنا الـزرع يـثمـر نباتــه
نفـضـل إنا نمــوت مـوتـة عزيزيـن
ولا تـجـيـنــا من عـدانـا شــماتـــه


__________________

قصيده رااائعه ومعاني اروع

صح قلبك اخي الغالي

و اذا ممكن تخبرناااااا هل القصيده لك ام من اختيارك ؟؟؟

حيرة وخوف

حيرة تسافر بين كلماتك...... وتجول فوق هاماتك

وخوف من أن نفقد قلم مثل روعة قلمك وقوة أسلوبك



سلمت يداك وأهنئ المنتدى فيك

تحياتي

الله الله

قصيدة رائعة وفيها من البلاغة الشيء الكثير

تسلم اخوي مشعل