-
[ شكى قلبي]>>
[frame="10 80"] ( شكى قلبي )
****************
شكى قلبي من عنادك وطُول الصد والهجران
ويالـيـتـك شـعرت بْـلـوعة أشـواقي وإحـساسي
***
كذا تـبعـد وتـتـركـني متـيـم في الهـوى ولهان
كـذا تـقـسـى عـلي وتغـيـب عـنّي يابعـد نـاسي
***
رسول الشوق نادى لك حـبـيبي لاتصم الآذان
ابي تـسمع صدى صوتي وتـقـتـل بالأمل يأسي
***
ابي لطفك يرافـقني دواماً0مـو بعـض الاحيان
أبـي أرفـع حـبـيـبي فـيـك مابـيـن الـملا رأسي
***
رسـمتك لوحةٍ في خافـقي تـزهى بك الألوان
كـتبـتك لين مل من لون حبري وجه قـرطاسي
***
يعـين الله كم هي صعـبة الـفـرقا على الإنسان
يعـيـش العـمر في حـسـرة كـبيرة دوم ويقاسي
***
ملكت الـروح ياخلي وعـشت بْداخل الوجـدان
لك الله صرت لي أقـرب الي نفسي من أنفاسي
***
يـمـر الـوقـت لكن لا طريقة لي الى الـنـسـيان
نسيت أنساك ، لاتعجب!! لاني أذكرك ناسي؟
***
هويـتك والهوى مايرتوي من نبعه العـطـشان
شربت إمن الوله لين أشتكى من شفقتي كاسي
***********
أخوكم / بن ماضي[/frame]
-
رد: [ شكى قلبي]>>
رائعة تتهادى كخيوط الشمس عندما تحيل الظلمة لهالة نور ..
دمت للروعة والتميز عنوانا شاعرنا
-
رد: [ شكى قلبي]>>
مبرووووووووووك
الابداع خلف كل ح ــضور لك
صح لـ سانك
تحيه ع ــطره
-
رد: [ شكى قلبي]>>
مبروك بن ماضي
الله الله عليييييك
ياهي أيام يا مبروك أهل المضايف
مرحبا والله ومسهلا بهالطله
تشرفت والله بوجودي هنا في متصفحك
وصح الله لسانك ولا هنت
قمه الجزاله طال عمرك
أنتظر جديدك بفارق الصبر
تقبل مروري المتواضع
ولك التحيه والتقدير
فمان الكريم
-
رد: [ شكى قلبي]>>
صح قلبك وكلك
جزل ومبدع دوما
تحيتي لك
-
رد: [ شكى قلبي]>>
صح لسااانك يااابو ماااضي وعلا شااانك وسلم بنااانك
ودي وأحترااامااتي
-
رد: [ شكى قلبي]>>
وكلنا نشكي من شكواك يامبروك
نورت الغرابيل وانا اخوك
كذا تـبعـد وتـتـركـني متـيـم في الهـوى ولهان
كـذا تـقـسـى عـلي وتغـيـب عـنّي يابعـد نـاسي
رساله رقيقه أختزلتها في هذا البيت الندي
صح لسااااااااااانك يا مبروك