معانااااااااااااة ليل طويييييييييييييييييييل ولكن !!! محبكم ( أبوراجس الدوسري )

السلام عليكم ورحمة الله وبركاته

ليل ليس كمثل أي ليل

في إحدى الليالي القريبة الماضية

ابتدأ الليل قبل أن يبدأ

ابتدأ ولم ينتهِ

ليل خلق أوله وكأن ليس له آخِر

ساعاته دهور ودقائقه شهور

قد يمرّ على أيّ شخص ولكن !!

اعتدنا أن نقول لمن لم يحسن التصرف مع شئ وهناك من هو أكثر إتقانا منه :

أعط القوس باريها

ولكن ماذا سنقول لمن لم يحسن التصرف مع روحه التي بين جنبيه ؟؟!!

أقول له :

أعط الروح باريها

*********************

من عادتي في العصير ااروح بلحالي = وابعد من الناس جاهلها وصاحيها
اجلى من الصوت واقفل زر جوالي = واقعد خلاوي مع نفسي واحاكيها
ما بين نزف الجروح ولذة امالي = وما بين مستقبل الدنيا وماضيها
اجلس واراقب لفيّ الشمس لا مالي = لا قامت الشمس تسرع في تخطّيها
واستسلمت للمغيب ودبرة الوالي = ولا بقى في السما ياكود باقيها
وانسلّ وجه الشّفق في ثوبه البالي = واخفت خيوط السّنا باقي مواريها
واسدل ظلام الدجى جلباب الاهوالي = واليوم ودّع من الدنيا وما فيها
يغيب يومي وتشرق شمس غربالي = في داخل الروح تسرف بي واصاليها
لا طال ليلي ففال الله ولا فالي = من عبرة في الحنايا العوج كانيها
الليل كن مقدمه ما خلق له تالي = ونجومه الغرّ ما ملّت مساريها
كن العقارب على الساعة تورّى لي = ودقايق الوقت ما تمشي ثوانيها
كن المحاني سُوانٍ فيهن اجفالي = صوت المحاحيل لا من زاد يخويها
اسكت ولا اسمع سوى التنهيت يبرالي = يلجّ في الروح ويبيّح بخافيها
يا بري حالي من الوحدة وعزّا لي = ويا صبر عيني على سِهرٍ مخاويها
العين كن موقها مضروب بخلالي = عجزت جميع الاطبّا لا تداويها
اقلّب الفكر وادرس بعض الاحوالي = واخذ عبر ما مضى في العمر وارويها
عيّنتنا العمر ينقص كلّ ما طالي = واليوم صفحة وكف الليل يطويها
دنياً تقلّب ولا تثبت على حالي = تدوي رحاها ولا تخلف هقاويها
تدور ما ميّزت في شيب واعيالي = والرابح اللي على الطاعة مقضّيها
عينتنا القلب عن نكباتها سالي = في لذة العيش ما وبّع لقافيها
وعيّنتنا الناس مخدوعة بالازوالي = وتغرّها لمعة المظهر وتعميها
التجربة ميّزت في المرّ والحالي = وبداية العلم يمكن عكس تاليها
واليا غدا العلم في تدبير جهّالي = طاحت على روسها عالي مبانيها
ولا صار ما للعرب في امورها والي = تقطّعت سبحة العرّاف بيديها
والعزم ينزل هله في منزلٍ عالي = والنفس ما حققت بالكذب امانيها
لي حاجةٍ مقلقة دايم على بالي = ما ريّحتني وانا ما نيب قاضيها
عقدة زمن مزمنة وتعقّد حبالي = لا قلتنا بانتهي عوّدْت باديها
يطول ليلي والاحي صوت موّالي = وابكي على صفحةٍ كدّرت صافيها
يا ليل همّي بوسط الجوف يجتالي = اللي مضى منك للسّارين يكفيها
هموم الايام يصفق موجها جالي = وبواخر الضيق رسّت بي موانيها
جلست ارجّع شريط العمر واقرا لي = مشاهدٍ بعضها مرّت وناسيها
صحيح مرّت ولكن هي من اعمالي = نسيتها والولي لا بدّ محصيها
الليل طوّل وطوله يسرف بحالي = والشمعة الذايبة باقٍ تواليها
والدمع وقّف على الاوجان ما سالي = متعوّدٍ عبرته دايم يخفّيها
وفي لحظة الياس واخر ما تبقّى لي = سمعت صوتٍ من القبلة وداعيها
( الله اكبر ) وضجّ الصوت متوالي = دعوة فلاحٍ تنجّي من يلبّيها
كنها تنادي من اعلى روس الاقذالي : = ( لا ضاقت الروح فاعط الروح باريها )

أخوكم

عبدالله بن راجس الدوسري

..

عبدالله الدوسري ..


الف صح لسانك ولاهنت


قصيده تستحق القراءه

عبدالله الدوسري

















صح الله لسانك ولا هنت














تقبل مروري المتواضع













فمان الكريم

صح قلبك وكلك


وسلمت اناملك

جزله ومن شاعر جزل


تحيتي لك

الغااااااااااااااالي أبو راجس
صح لسانك على القصيدة
وصح لسانك على الحكم التي فيها
تصدق ودي أني معك حتى وإن كانت ليلة حزينة كئيبة
فأ،ا من زمان عنك ومشتاق لسوالفك أستاذي الغالي
أما ختمة القصيدة فهي من أورع القفلات لك من أخوك الصغير
كل الحب والتقدير

عبد الله الدوسري صح لسانك
صحيح اني ما احب الشعر بس بصراحه القصيده
اعجبتني حيييييل و عسى الله يوفقك

صح لسانك
واعتلا شانك

مبدع

وشكرا

نص يجتاح الوجدان بعذوبة معانيه ..وعمق صوره ..
لاعدمناهكذا نبض شاعرنا ..

الشاعر ابو راجس

صح لسانك ملايين
سلمت يمناك

سلام..

ع ــبد الله الدوسري


صح لسانك



تحيه ع ــطره

شاعرنا ومشرفنا الغالي

محمد بن ضاوي


تواجدي في المنتدى ليس لشئ إلا محبة وتقديرا لشرواك


ما قيمة الشعر لولا قراءة الناس الطيبين له


والله إن مرور شرواك يعد عندي أكبر ثمن وأكبر مكسب أتقاضاه على ما أسميتُه شعرا




مرحبا بتواجدك يابو ضاوي






محبك


أبو راجس الدوسري


..

السلام عليكم ورحمة الله وبركاته

أخي الغالي

نواف الشمري



بل سأتقبل مرورك الباذخ والشامخ شموخ جبال أجا وسلمى


مرحبا بك

أنا أشارك في المنتدى ليقرأني شرواك ويكفيني وربي


لا يهمني الكثرة بقدر ما يهمني تواجد نواف الشمري وشرواه


محبك


أبو راجس الدوسري



..

السلام عليكم ورحمة الله وبركاته

أستاذي

أبو عبدالرحمن


مرورك أنت بالذات يهمني لا لشئ إلا لأنك غالي وشهادتك شرف لي


محبك



عبدالله بن راجس الدوسري



..

عبدالله الخضاري

اعلم شيء وحيد اخي العزيز...ان محدثك الان قرأ قصيدتك كاملة بصراحة

واحب اهنيك عليها لأنها درة والله

الاقتباس صعب..لانها كلها تستحق الاقتباس..بداية وختام ولا اروع

وفقك الله لما يحب ويرضى وصح لسانك

ولاهنت لانك اشبعت ذائقتي الليلة

اررحب ارررحب تراحيب المطر يالسمي





الي علومه كلها ترفع الراس





وفي لحظة الياس واخر ما تبقّى لي = سمعت صوتٍ من القبلة وداعيها
( الله اكبر ) وضجّ الصوت متوالي = دعوة فلاحٍ تنجّي من يلبّيها
كنها تنادي من اعلى روس الاقذالي : = ( لا ضاقت الروح فاعط الروح باريها )



حيه من صوت





ابو راجس كم انا سعيد ومسرور بوجودك معنا



والله لو احد بشرني بتواجدك في غرابيل ان اعطيه ابشاره لاكن بالصدفه وانا اتصفح وجدة المشاركه والاسم الي انا اتابعه دايم وافتخر به



صح السانك ياجزل وانت مدرسه نتعلم منك