محاوره ضيدان بن قضعان لبى قلبه

القصيده للشاعر المزيووووون العسسسسسسسسسل المعروف ضيدان بن منصور بن قضعان يقول :

شريت لي طير .. وسألت صاحبه عن إسمه فقال اسمه دهام .. يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير ..
ناديت له بأسمه الجديد فواز فواز .. فالتفت الطير على ضيدان وقال له :

ضيدان أنا أسمي دهام ما هوب فواز
..................أما أدعني يا دهام ولا بلاشي
ما هوب حق تغير أسمي بلا أرماز
.............وأنا عذاب الخرب لا أقبلت حاشي

فرد عليه ضيدان قائلاً :
لعيون بعض الناس سميت فواز
...............أسم يشابه لاسم صعب المناشي
اللي غلاه بثومة القلب حزاز
.................تقبل له طعوني وتقفي عطاشي
فرد الطير :
ما أرضى تسميني عليها ولا جاز
...................تغيير الإسم إلا بذبح الكباشي
إذبح تميمه وأقلب الإسم فواز
................إذا ذبحت الكبش ما صار ماشي


فرد ضيدان :
قلت فواز تكفى فكني بالتلعواز
.................الحل عندي وأسمع العلم كاشي
لازم تشوف اللي لها القلب ينحاز
...............عقب (ن) تجي فواز ولا شلاشي

فردالطير :
يالله مشينا والعمر يبغي إنجاز
...................يا ما نجز بالهدي ولا عراشي
قم جهز اللي ذاخرينه وممتاز
............وعلي الطلاق إن عزبته من معاشي

ولما وصلوا للي سمي الطير عليها شال ضيدان البرقع عن الطير ..
وقال له هذي اللي سميتك عليها فقال الطير :
أنا أشهد إني يابن قضعان فواز
.....................واني بعد فواز جاني خراشي
ياحظ قلبك يوم في حبها حاز
......................كحيلة ما عاشرت كل لاشي
ياليتني رجلٍ لو أمشي بمعكاز
................وأنخاك وأنخى مبعدين المعاشي
وأنهض لطيف الروح وأجلا لشيراز
.............وأقضي بقايا العمر ما أحتر جاشي
في شرع أبن حنبل بتأكيد ابن باز
......... ....معروف راعي الحب قلبه هشاشي
وأنا لوصل ملوع الشيخ معتاز
...............أعوز من فراق السبوق الرواشي
أبا أتمنى والتمني به الغاز
.......................ياليت جنحاني لخلك فراشي
أو ليتني بيجر على الورك هزاز
....................ولا قلم بين الجسد والقماشي


اسمي الجديد "فواااااااااااااااااااااا� �ااز" :مزون:

ماشاء الله

شاعر مبدع ولا فيها كلام

صح لسانه ولسان طيره

وانتي يامهرة صح لسانتس

وسلمت اناملك على هالنقل الابداعي الجميل

واذا كانك غيرتي اسمك الى فواز

فانا ابي اغيّر اسمي الى سلطان :11oto::11oto:

الله يعطيك العافية

طيب ليش تغير اسمك لسلطان ...انا عشان ضيدان بغيره بس انت ليش؟؟؟؟؟؟؟

ماشاء الله

شاعر مبدع ولا فيها كلام

صح لسانه ولسان طيره

الله يعطيك العافيه يامهرة

يعافيك ياااارب وشكرا على مروورك

ياهوووووه انا مضيييييّع

اقصد اغيّر اسمي لــ ضيدان ماهو سلطان

لانك انتي غيرتي الى فواز وبس


رجيتينا الله يرجك خخخخخخ



<<<< صار فلم هندي ههههههههههههه


لكي التحيه

لاهنتي يامهره على النقل الجميل


ضيدااان شاعر ماله حل

شاعر مبدع ومافيه حيله

صح لسان الشاعر المبدع ضيدان وشكراعلى النقل الرائع وهذا يدل على حسن الذائقة