أول شي أتمنى انو مايكون مكرر لأنو منقول مو من أقلامي ..
إليكم القصة :.
تنقلها محطة CNN
الاخباريه وهي عن عدة مشاااااااهد
وهما المجرمين
مها و حماد
وهذه الحكايه من ++++++ إلى
؟؟
الابطال
البطل حماده (جاك ) ـ
البطله مها (روز) ـ
فكانت النتيجه مايلي
------------
المشهد الأول:
------------
تخرج مها من غرفة الطعام متجه نحو مؤخرة السفينه وتصعد على حافتها وفي نيتها
الإنتحار.وفي هذه الأثناء يأتي المنقذ حماده .
حماده : إنتي يا بنت الله يخرب عقلك ايش تبغي تسوي؟
مها : مال أبوك شغل
حماده : عجيبه والله كيف ما له شغل؟
مها : شوف أحسن لك لا تقرب مني ترى اللي فيني مكفيني ما هو طيب لك .
حماده : خلاص ابشري بس قوليلي ناويه على ايش يا عُمري.
مها : من هي عُمرك ؟ .. تفو في وجهك يا قليل الأدب ياللي ما تستحي
حماده : والله إنتي يا هبله.
مها : انا ماني هبله ولاني عُمرك.
حماده : طيب انتي منتي هبله ولا عمري بس إيش ناويه تسوي؟
مها : انا أبغى أنتحر … إيش لك شغل؟
حماده : ايش ؟.. إيش ؟.. تنتحري! هههههههههههههه.
مها : يا دمك يا اخي ممكن اعرف ايش اللي يضحكك؟
حماده : أضحك على عقلك المزنخ !
مها : وتضحك على عقلي المزنخ ليه ؟
حماده : عشانك تبغي تنتحري .. طيب ورينا شطارتك ونُطي .. يلله أيش تستني؟
مها : انا بنط دحين
حماده : طيب ايش تستني؟ .. خلصينا وفكينا من شرك
مها : تدري ! عناد فيك ماني ناطه وبخرج وماني منتحره …هـه
وتمضي دقيقه صمت بعد العدول عن الإنتحار.
مها : ايش هذا اللي في ايدك .
حماده : هذي حبوب برجون .
مها : وايش تبغى فيها أنت لسه زي الأطفال تلعب .
حماده : لا .. بس تعالي نجلس على الكرسي هذا و نعدها .
ويجلسان على الكرسي.
مها : انت متزوج ؟
حماده : أنا؟ ههههههههههههه .. اوه انا عندي بزوره كثييير
مها : كم يعني ؟ ولا سر
حماده : خمسة ...!!
مها : هم معاك دحين في السفينة ؟
حماده : لا.. خليتهم عند سِتّهم.
مها : يا الله ليه ما جبتهم معاك؟
حماده : ههههههههههههههههه.
مها : ايش اللي يضحكك دحين؟
حماده : أنا أمزح معاكي يا هبله وأنتي صدقتي.
مها : تصدق ؟ إنت شكلك ولد فرفوش .
حماده : طيب قوليلي انتي متزوجة .
مها : أنا مخ ..... طوبه ( قالتها بنبره حزينه )
حماده : ايش بك يا بنت .. انتي بتبكي؟
مها : لا
حماده : طيب قوليلي ليش هذه الدموع اجل
مها : ما سمعت خالد المريخي إيش قال؟
حماده : لا .. إيش قال ؟
مها : إن كان قصدك دمعتي لا تفرحين ..
شعرتن دشت بعيني وطلعت
حماده : يسلم فمِّك
مها : طيب قوللي أيش إسمك ؟
حماده: اسمي حماده … وأنتي ياغزالة أيش سموكي؟
مها : اسمي ميمي ( ماتبغاه يعرف ان اسمها مها )
حماده : عاشت الأسامي ياميمي ..( فرحان عرف إسمها ) .. طيب أيش رأيك نغير جو شويه ونفرفش .
مها : خلاص أبشر.
حماده : يا سلام جاتك من الله يا حمودي
