جاي من أقصى أوربا للقريه من أجل حبيبته <<<يقطع الحب اللي بيذل

السلام عليكم ورحمة الله


اليوم يازوارنا الكرام لهذه الصفحه موعدكم مع قصتن حقيقيتن صارات بهالأيام (مجمل القصه أقصد لكن الأحداث صارات بمخيلت بقايا بس)



نترككم مع القصه 000مع السلامه






















هذا صديقنا العاطل أنتسانكم تذكرونه شليويح بعد ماحبب روس الخلق وتقاطرت سعابيله على روسهم يدور الواسطه بين القمل كتب له ربي وراح يكمل دراسته بأوربا


عاد هماه هو راح ...راح عقله هناك ونسى الديره واهلها ..يقول واش ابي بشهب اللهب وهنا يالله من فضلك خضار وسعت صدر والظاهر أنه حتى رقم أهله امسح من المخ






ونرجع لديره


جابت ام شليويح الدله والقدوع << (اللي هو التمر لغير الناطقين باللهجه النجديه)

وقعدتها عند ابو شليويح


قالها ابو شليويح يامره وراتس تسذا قاضيتن حالتس

قامت اعيونها تقاطر قالت وهو وش اللي مقضي حالي غير شليويح يابعد مصراني من راح لهاك الديره ماعاد سمعنا به لايصير مختطفينه البنات اللي هناك انا اسمع عنهم ان علومهم ماهيب زينه

هههههههههههه <<ضحكت الأبو وقال لو مايبقى غير شليويح محدن مناظره

هووووووووووو بسمالله على وليدي وش زينه وش ملحه وش ناقصه

أجل ماتقول لي وراه الى هاللحين ماكلمنا




ايه بس صبي القهوه وانتي ساكته


وتملى الفنجال دموع احم احم قصدي قهوه وتمدها له


وشوي إلا رننننن رنننننننننن


أم شليوح 000نعمممم

طن طن طن <<< هذا قلبها قم يدق طبوول يوم سمعت الصوت

هلا هلا هلا بوليدي هلا بهالصوت وينك مبطي عني يابعد عيال أم صنداح



يمه لاتخافين أنا أكلمتس من المطار ماقدرت اصبر عنكم وجيتكم هاه بشري وشلونتس وشلون ابوي

ابد مانسئل إلا عنك هاللحين بخليه يجي ابوك لمك بالمطار


لا يمه مايحتاج أنا واصل هاللحين وصعبه انتظر ابوي لين يجي من القريه بجي بالليموزين اسرع مشتاق لتس يمه بالحيل ياحبيل قلبس :11oud9: وه يابعد تسبدي قام يهرج مثل اللي بالتلفزيون

ويمر الوقت تسنه شهر على أم شليويح





ويدخل رجال ومير تنقز ام شليويح وتاخذ الغطوه وتغطي وجهها وقالت هو اخزياه ياوليدي باب الرجال مناك

ههههههههههههه هذا أنا شليويح :مزون:يمه ماعرفتيني

هو وش اللي قلبك تسذا وين راح المشق وين راحت اشهبك وراه شعرك صار ناعم تسنك بنت ووراك صرت ...

خلاص خلاص يمه اعلمك بعدين بس وين ابوي مشتاقن له بالحيل ابي اسلم عليه

ابوك راح يصلي الظهر هاللحين يبي يجي


زين يمه أجل بروح اغير وارتاح لين يجي ابوي

ويروح فوووق وقلبه يسبقه يبي يشوفها يبي يطمن عليها قبل يجي ابوه


ويمشي ويمشي على اطراااف اصابع رجلينه قبل محد يشوفه وهو رايحن لغرفتها



ويفتح الباب بشويش


ويدورها ويدور بعييناته يمين ويسار


لين لقاها متوزيتن بذيك الزاويه



ويطييييييييرررررررررررر لمها ويحضنها ويحبها على راسها وقال لا تخافين حبيبتي باخذك معاي

هاللحين بكلم ابوي وامي عنك

ويطلع بشوووووويش ويصك الباب وراه


ويروح لأمه وابوه




ويقعد يشرب القهوه وهو مرتن متربع ومرتن على رجله اليمن ومرتن على اليسار

قال ابوه ياوليدي اهرج وش الهرج اللي تبي تقوله بس اركد تراك لفيت بروسنا وانت كل شوي متحرك


قال تبي الصراحه



يمه أنا عندي طلب وانا عارف انك ماراح ترديني قالت هو عيوني لك ياشليويح امر وش تبي


قال يمه ابيها







وشوووووو من تبي


كللللللللللللللللللللللوش بالمبارك بالمبارك هذي الساعة المباركه ياوليدي من زمان وانا احتري هالساعه


من هي بنت الحلال اللي تبيها ونروح نخطبها أنا وابوك



لا يمه انتي فهمتيني غلط


انا اقصد ابي مكينتك اللي عطاك اياها جدي مهر


وميررررر ينفض ابوه يده قال لا بالله وانا ابو شليويح هذي متقدم لها صديقي محمد وأنا عطيته اياها

هم احق بها منك ناس فقيره ومحتاجه تبي تخيط لخلق الله وتبيع تترزق الله من وراها وإلا أنت احمد ربك بنعمه وعافيه ماقاصرك شي


بس يبه افهمني أنا ابيها وجاي من هناك ابيها ومستحيل اروح من دون ما أخذها يبه


انا قلت كلمتي وماراح ياخذها غير ابو محمد


ويمشي ابو شليويح وهو يتعكز بعصاه ويروح يفتح التلفزيون ويلاقي الأخبار كلها عن المكينه وأخبارها

قال أفا بس وانا أخر من يدري والله مايشوفها لا ابو محمد ولا شليويح أنا اولى بمهر احريمتي

وتجيه حرمته من وراه قالت لا والله أنا احق بمهري

وطق وطقيق وتقوم الحرب المكينيه العائليه

وتنتهي بإصابات بليغه ويرجع شليويح لأوربته وهو محمل بكسرن بالجمجمه وخلعن بالضرس ونفسيتن منكسره


































































خلاص وش تدورون قضت القصه

احم احم احم


يا أهل البيت وووين مجلس الحريم <<<<<<< يازين الذرابه تمدح نفسها الاخت خخخخخخخ


باقيا ياانك وحشتيني اليوم قلت لازم ادخل غرابيل بلا اختبارات بلاهم وووجع راس

كان أطيح على موضوعك <<<<<< بس حمد الله ماتكسرت جت سليمه ههههههه


نجي لموضوعك ياعليك خيال انما ايه وكيووووت على قولة بعض الناس


ومحزنتني أم شويلح هي المكاينه لها ويبون يبعونها وهي ماتدري وش السالفه حرااااااااااااااام

بقايا ماقلتي لنا بكم باعوها ؟؟؟

وش صار فيهم بعد ماتم بيعها ؟؟

وماذا عن العلاقات داخل العائله عشان الماكينه هل هي وديه أو غير ذالك ؟؟


الاختبارات لحست مخها هههههههههههههههههههههههه



تشكرااااااااااااااااااااا اااااات على هيك موضوع غلاتي

اقتباس:

---

هههههههههههه <<ضحكت الأبو وقال لو مايبقى غير شليويح محدن مناظره

---

ههههههههههه ياعزي عن حاله يعني بس عشان اسمه شليويح :مزون:

اقتباس:

---

وطق وطقيق وتقوم الحرب المكينيه العائليه

وتنتهي بإصابات بليغه ويرجع شليويح لأوربته وهو محمل بكسرن بالجمجمه وخلعن بالضرس ونفسيتن منكسره

---

هههههههههههههههههه ياذي المكينه الي غطت ع قضيه فلسطين
وعليها شكل ونقوش بالذهبي مايحتاج :مزون:

بقااااااااااايوه
سلمت يمناك ع الحتوته الي تحاكي واقع ملموس < اهديكم الفلسفه هع

سلام..

<<<<<<<<<<<في حلة ضحك غريبه

هههههههههههههههههههاي هههههههههههاي

[align=right]ههههههههههههههههههههه

والله دوخت شيبان ما نامو الليل لين طلع تكذيب الخبر


تسلمين

ويا زين الانشوده بتوقيعك[/align]

هههههههههههههههه
يا بختها

اقتباس:

---

نترككم مع القصه 000مع السلامه

---

هههههههههههههه


اعجبني توديعك للاعضاء مقدماً


ياحظه الاقشر هالشليويح



ليته جلس باوروبا يكمل دراسته بدل اشاعة واصابات بليغه



اشكرك على هيك قصة جت بوقتها لتعايش وتحاكي واقعنا المرير




تحية عطرة

أهلين وسهلين بغلووو

كيف الإختبار الوكاد انتس بتجيبين الدرجه الكامله يوم دخلتي موضوعي<<أخس ياثقه





أبشرتس المكينه ماباعوها تدرين وراه























مابقى بها شين ينشرى تكسرت مع ضلوع شليويح










شاكره تواجدك العطر

اقتباس:

---

ههههههههههه ياعزي عن حاله يعني بس عشان اسمه شليويح

---

فهده

عاذرتس على هالضحكه بلاتس ما لحقتي على الأجزاء الأولى من حلقة شليويح ومعاناته<< ورد فيها وصفه المملوح





تسلمين خيتوو على تواجدك وبالمبارك هالأسم الجديد

مسكين على هالتعبة كلها
ورجع بخفين حُنين
الله يعوض علية
في غربته
ههههههه
مشكورة على قصتكِ الفريدة

جواهر

دوووووووووم يارب هالضحكه


شاااااااااكره مرورك

محمد الدغيري


ماهوب الشيبان بالحالهم حتى الشباب قامت بينهم حرب داحس والغبراء عشان هالمكينه




تسلم لتواجدك

القلب الجريح<<< الله يشفيه يااارب




ايه ياحظها عقب كل هالسنين طلع صيتها



تسلمين اختي لمرورك الكريم

سعود

شفت عاد ما أغنته أوربا عن تراث أجداده



يعطيك العافيه لمرورك الكريم

ينابيع الأمل



ههه هذي الطفاقه ماتجيب خير



يعطيك العافيه حبيبتي على مرورك الكريم