قصة سعودي مع ورقة المقاضي

بسم الله الرحمن الرحيم

ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..
المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين??
طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي


مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص غير....؟

المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??
واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه.

الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!!

المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري ..
الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس.


وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس
ههههههههه.


مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه.


ودمتم سالمين.

مـنـقــول للامانة

ولا انا الى الحين عزوبي الله يرزقنا

يرحم أيام أول


والأول تحول



وهاللحين يوم ان الحريم يطلبون مقاضي طولها خمس طعشر متر منهو له

يعني لبطنها وإلا لكريشات صقيقاتها وإلا أهلها ...طبعا لا



لها فوائد أكبر من تسذا بالحيل


منها أن الرجال ياخذون خبره بالأشياء وأسمائها مايتفشلون عند خلق الله

ومنها أنهم يسوون رياضه رايحينن جايينن على هالأسواق

ومنها يوسعون صدورهم يتقضون ويتمشون


ولها فوائدن عظيمتن كثيرتن بس هذا اللي أذكره

وغدي الحريم اللي بعدي يسدحن الفوائد








يعطيك العافيه على نقل المعاناة

اقتباس:

---

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه.

---

^

^

^

وناااسه

وونااااااااااااسه هع

اقتباس:

---

وهاللحين يوم ان الحريم يطلبون مقاضي طولها خمس طعشر متر منهو له

يعني لبطنها وإلا لكريشات صقيقاتها وإلا أهلها ...طبعا لا

---

بقايا إنسان اضحك الله سنك

لا وأنا اخوك بس ياريت تراعون انكم تكتبون المقاضي مرتبه يعني

ام العيال هداها الله تكتب مرة تايد وأومو وشوي تروح وتكتب جبنة وزيتون وشوي وهي ناطة

رز وسكر وشوي راده وتكتب كلوركس وبعدين تقول جب كيلو مش حار

وكل مسافة بين كل قسم وقسم لا والعامل بقسم الأجبان يقولي بغيظ قول طالباتك مرة واحده

اخخخخخخخخخ لا تذكروني اشيل هم مشوار البقالة دئلت

يعني مفحط في هالبقالة تفحيط

لا وتكتب اخر الرسالة زوجتك الغالية :icon_evil

لو هي قدامي يوم أني اخلص المقاضي كان :swords::swords:<<< ابتسم واقوال سم طال عمرك

صرت اقطع ورقة المقاضي وامسح السوبر ماركت مسح اجيب إلى طالبوه وإلي ما طلبوه أرحم

الصراحه معناناة
الله يعينك

اقتباس:

---

رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..

---

من جد مأساه هههههههههههههههه

اقتباس:

---

وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه

---

هههههههههههههه والله حالتكم حاله مستمره ههههههههههههههه

اقتباس:

---

والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص غير....

---

واحلالاه ياقريشاتنا بس ههههههههههههههههه

اقتباس:

---

تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

---

ههههههههههه والله ناس ماتراعي الظروف هههههههههههههه

اقتباس:

---

زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه

---

واللي قاهرني ان الخبزه مصدقه الكذبه وعلى بالها انها جت كنافه ههههههههههههههه

اقتباس:

---

والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . )

---

يازين العزوبيه هههههههههههههه انواع الشواحن والسماعات جنب فراشه ههههههههههههههه

تسلم يالعطاوي على هالنقل الاكثر من رائع

اقتباس:

---

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر

---

ههههههههههههههههههههههههه ههههههههههههههه

اقتباس:

---

لا وأنا اخوك بس ياريت تراعون انكم تكتبون المقاضي مرتبه يعني

---

جميل انتا حالتك صعبه ههههههههههههههههههههههههه ههههههههههههههههههههههههه

والله لو تخلونا احنانجيب مقاضينا عادي ما طفشنا
بس سبحان الي خلقكم مالكم حيل حتى تفحطون وتقضون ما احس فيها تعب
بالعكس قمه المتعه :مزون: << خصوصا اذا معاك عربيه دف خخ

ابوحاتم
موضوع نازل من قلــــــــــــــــــــــب
سلمت يمناك

سلام..

والله يا بنت برقا شوي من قلب .

ومشكوووورين على المرور.



تـــحـــيــــاتـــي]

هههههههههههههههههههه


وناسه وانتو تفحطون بالسوبرماركت تدورن وش مشكلة الوالد واخواني عندنا تقريبا نفس مشكلة جميل

بس حنا مزودينها من كثر الاغراض ننسى ونتذكر وندق عليه جيب معك عاد هنيا يعصب


الله يعينكم


مشكور العطاوي على هيك موضوع


ونورت القسم

تسلم اخوي والله يزوجكـ ببنت الحلال الي ماتطلب مقاااضي واااااااجد
ههههههههههههههههههههههههه ههههههههههههههههههههههههه
تسلم

تحفة
موضوعك

اقتباس:

---

الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه

---

ولا معطلين روحهم
وفروا جميع سبل الراحة
ههههههه
ولا حكاية البشاميل الي
واضافوها في دفتر العائلة
وصارت وحدة منهم
والله اني ضحك ضحك ما عمري ضحكته
على الموضوع كله
اضحك الله سنك دنيا واخرة
على الموضوع الرايق
ننتظر كل ما هو جديد منك